Nëpërmjet një Njoftimi, Kryesia e degës së LDK-së në Suedi, ka njoftuar se në manifesitmin që do të mbahet më 26 maj, e ku pos anëtarëve të kësaj dege, pritet të marrin pjesë edhe përfaqësues të Kryesisë qendrore të LDK-së në Prishtinë, do të ndahen edhe mirënjohje për veprimtarët që kanë kontribuar në sensibilizimin e çështjes shqiptare, përkatësisht për lirnë dhe pavarësinë e Kosovës.
Ky është Njoftimi i degës së LDK-së në Suedi:
Me rastin e 28 vjetorit të themelimit të Degës së Lidhjes Demokratike të Kosovës në Suedi, kryesia e Degës organizon një manifestim në të cilin janë të ftuar anëtarët e LDK-së, simpatizantë të LDK-së, kryesia qendrore e LDK-së në Prishtinë dhe Degët e LDK-së në Diasporë.
Me këtë rast Dega e LDK-së në Suedi ka vendosur që t’ju ndajë MIRËNJOHJE veprimtarëve të cilët kanë dhënë kontribut të jashtëzakonshëm në senzibilzimin e çështjes shqiptare dhe për Lirinë dhe Pavarësinë e Kosovës në Suedi ndër vite.
Manifestimi do të mbahet në Malmö, nën patronatin e Lidhjes Demokratike të Kosovës Dega në Suedi, me 26.05.2018 me fillim në ora 14:00
Adresa: Sörbäcksgatan 49, Kroksbäck
216 20 Malmö
Për Kryesinë e Degës së LDK-së në Suedi,
Qibrije Hoxha, kryetare