Lobi Euro-Atlantik Shqiptar në bashkëpunim me Ambasadën e Republikës së Kosovës, në Bern të Zvicrës, më 26 Maj 2018 organizuan promovimin e librave «GJUHA E SHKIPËTARËVE » dhe « SKENDERBEU MBRETI I EPIRIT », përkthyer nga gjermanishtja e vjetër gotike e latinishtja, nga Albert Gjoka dhe Frida Vokopola, studiues dhe përkthyes të shumë dokumenteve historike mbi shqiptarët të hulumtuara nëpër bibliotekat dhe arshivat e Evropës.
Në këtë promovim të pranishëm ishin Zonja Ambasadore Nazane Breca, kryetari i Lobit Euro-Atlantik Shqiptar, Zotëri Shukri Ymeri me anëtarët e Kryesisë, Ambasadorët e Republikës së Shqipërisë dhe Republikës së Maqedonisë në Zvicër si dhe bashkatdhetarë nga Zvicra dhe Gjermania.
Libri « Gjuha e Shkipëtarëve » është botuar në vitin 1835 në gjuhën gotike, në shumë pak ekzemplarë dhe tani përkthehet për herë të parë në gjuhën shqipe. Kurse libri « Skënderbeu mbreti i Epirit » i vjetër 55o vjeçar përmban dokumente të panjohura gjer më tani për publikun. Të pranishmit vlerësuan lartë këto dy libra që kishin një vlerë historike dhe kombëtare. Lobi Euro-Atlantik Shqiptar në vazhdën e realizimit të synimeve të përcaktuara në Platformën e sajë mbetët i përkushtuar në promovimin e veprave më vlerë të madhe kombëtare. Pas Promovimit të librit, anëtarët e Kryesisë së Lobit Euro-Atlantik Shqiptar, në qytetin Bern të Zvicrës dhe Lörach të Gjermanisë, patën disa takime edhe me bashkatdhetarë, përfaqësues shoqatash, veprimtar, biznesmen dhe afaristë të ardhur nga shumë shtete të Europës.
