Gjendet i vrarë Artan Sekiraqa në Francë, gruaja e tij e dyshuara kryesore për vrasje - Bota Sot
Gjendet i vrarë Artan Sekiraqa në Francë, gruaja e tij e dyshuara kryesore për vrasje

Diaspora

E hënë, 22 tetor 2018

Gjendet i vrarë Artan Sekiraqa në Francë, gruaja e tij e dyshuara kryesore për vrasje

Më: 4 tetor 2018 Në ora: 15:47
Francë

Trupi i Artan Sekiraqës, një shqiptar nga Kosova, 33 vjeçar, është gjetur të shtunën pasdite vdekur në një dhomë në apartamentin në katin e tretë në rrugën Grande Rue 39 A në Dole, në krahinën e Juras në Francë.

Siç shkruan portali www.estrepublicain.fr, ai duhet të jetë vrarë me një sëpatë e cila është gjetur pranë trupit  të tij.

Prokurori i Besançon, Etienne Manteaux, ka treguar se të ndjerit po thuaj i ishte prerë koka.

Ishte kutërbimi ai që e kishte alarmuar pronarin që e kishte dhënë me qira banesën.

Bashkë me të ndjerin kishte jetuar një grua dhe dy fëmijë 10 e 14 vjeçar.

Ata, siç përcjell portali, kishin jetuar bashkë në këtë që nga korriku i këtij viti pasi i ndjeri kishte vuajtur një dënim prej tre muajsh burgim për dhunë në familje.

Familja më parë kishte jetuar në Besançon, nga 2011 në 2014, pastaj në Vénissieux në periferi të Lionit, para se të lëviznin për Mulhouse në vitin 2015.

Bashkëshortja e të ndjerit është e zhdukur që nga 21 shtatori bashkë me fëmijët, ka thënë prokurori.

Sipas prokurorit, telefoni i saj është me origjinë nga Kosova ashtu sikur dhe ajo, më saktë nga Prishtina.

“Tash për tash, përderisa bashkëshortja nuk është marrë në pyetje, të gjitha supozime për vrasjen mbeten të vlefshme", tha Manteaux, i cili ka hapur hetimin penal për vrasje.

Burri dhe gruaja, siç thotë portali, ishin njohur në një lagje dhe njiheshin për agresivitete gjë që i kishte bërë të njohur jo vetëm aty, por i kishte në vënë në telashe edhe mësuesit e fëmijëve të tyre si dhe shërbimet sociale.

Theksohet se i vrari për herë të fundit ishte parë i gjallë rreth shkollës së fëmijëve të premten e 20 shtatorit.

Prokurori ka thënë se bashkëshortja e tij është e dyshuara kryesore për vrasjen e tij.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test