Humbja e kileve të tepërta nuk është mision i lehtë, dhe shpeshherë njerëzit harrojnë për ushqimet esenciale që duhet t’i hanë për ta arritur qëllimin e tyre.
Por, Telegrafi më poshtë ju sjellë një produkt të tillë, të cilin duhet ta futni në planin tuaj të dietës për ta mbajtur një peshë të shëndetshme.
Pra, nëse deri tani keni qenë duke u përpjekur vazhdimisht të humbni peshë por nuk keni korrur rezultat, kjo është se nuk e keni konsumuar këtë produkt.
Universiteti Shtetëror i Louisianas, përmes hulumtimeve të ndryshme, ka treguar se njerëzit të cilët konsumojnë arra çdo ditë janë 25 për qind më pak të prirë të jenë obesë dhe 21 për qind më pak të kenë bel të gjerë.
Konsumuesit e arrave duket të kenë indeks më të vogël të masës trupore dhe nivele më të larta të kolesterinës së mirë.
Arrat janë të pasura me proteina bimore, fibra, acide të ndryshme yndyrore, etj. Pra, një sasi e vogël arrave ju ndihmon të ngopeni – rrjedhimisht të hani më pak dhe të humbni peshë më shumë.
