Si të përdorni kanellën për dobësim?

Dieta

Si të përdorni kanellën për dobësim?

Më: 17 dhjetor 2017 Në ora: 16:04
Ilustrim

A mund të ndihmojë kanella për dobësim? Këto dhe shumë çështje të tjera mund të jetë e vështirë për t'u përgjigjur, pasi nuk ka prova të mjaftueshme shkencore për të konfirmuar këtë.

Por përvoja e njerëzve në mbarë botën tregon se kanella ndikon në humbjen e peshës. Nëse vazhdoni të udhëhiqni një jetë jo të shëndetshme dhe të hani në mënyrë të parregullt, atëherë nuk do t’ju ndihmojë as kanella.

Kanella stimulon ndjenjën e ngopjes

Ekspertët theksojnë se kanella mund të stimulojnë ndjenjat e ngopjes, ose të zgjasë kohëzgjatjen e ngopjes duke rregulluar nivelin e sheqerit në gjak. Nëse ju ndjeheni të ngopur për një kohë të gjatë, natyrisht se do të hani më pak dhe do të humbni peshë.

Rrit funksionimin e sistemit të tretjes

Kanella stimulon sistemin e tretjes, që do të thotë se ju do të absorboni më shumë lëndë ushqyese. Disa njerëz kanë përdorur kanellën për të kuruar mungesën e vitaminave dhe mineraleve të caktuara.

Redukton akumulimin e yndyrës

Nëse futni shumë sheqer, mëlçia fillon ta kthejë atë në yndyrë. Kanella nxit dekompozimin e sheqerit dhe inkurajon trupin që ta përdorë atë si një burim energjie. Kjo do të thotë më pak sheqer të papërdorur dhe më pak yndyrë e akumuluar, transmeton KosovaPress.

Rrit nivelin e energjisë

Mungesa e energjisë, përqendrimi dhe lodhja kronike shpesh vijnë si rezultat i marrjes së tepër të ushqimeve. Disa kërkime kanë treguar se kanella mund të rrisë nivelin e energjisë, të rrisë koncentrimin dhe të ndihmojë në trajtimin e lodhjes kronike. Nëse keni më shumë energji, keni më shumë gjasa të ushtroni dhe nuk do të keni dëshirë për ushqime të tepërta.

Stimulon sistemin e tretjes

Kanella ka veti të fuqishme antibakteriale që do t'ju ndihmojë të hiqni bakteret e këqija në sistemin e tretjes. Ato mund të rrisin rrezikun e obezitetit, kështu që është e rëndësishme për të ndihmuar sistemin e tretjes të lirojë bakteret e dëmshme.

Sa kanellë duhet të merrni?

Ekspertët rekomandojnë që të mos merrni më shumë se 6 gramë kanellë në ditë. Është e rëndësishme që të bëni disa ditë pushim. Ju mund të merrni kanellën pesë ditë radhazi dhe të pushoni dy ditë.

Ju duhet të vini re rezultatet e para të rëndësishme gjatë një periudhe 6 muajsh. Nëse nuk i vëreni ato, ka shumë të ngjarë që të konsumoni kanellë me cilësi të keqe dhe të vazhdoni me zakone jo të shëndetshme.

Sot mund të lexoni Shfletoni kopertinat