Një konflikt tregtar mes transportuesit dhe një kompanie porositëse, ka bërë që anija me rreth 500 tonë kripë të largohet në mënyrë të paligjshme nga porti i Durrësit.
Ngjarja ka ndodhur gjatë ditës së sotme, kur anija Sea Scanner, me flamur të Sierra Leones është larguar nga rada portuale paraditen e sotme, pa njoftuar autoritetet portuale.
Kripa ishte porositur për llogari të një subjekti shqiptar, por një konflikt në lidhje me papastërtinë, është bërë burim i mosmarrëveshjes.
Anija kishte mbërritur në portin e Durrësit më 25 Qershor, ndërsa aktualisht janë njoftuar autoritetet kroate dhe italiane për situatën.