Në kalatën 5 në portin e Durrësit u ankorua sot jahti “Queen K” me gjatësi 73 metra.
Nga Qendra e Informacionit në APD, mësohet se jahti lundroi gjatë natës nga Budva (Mali i Zi) drejt Durrësit.
Ndërkohë në portin më të madh në vend përfundoi përpunimi i anijes 240 metër “MSC Titanio” me gjatësi 240 metra, e cila u përpunua në Terminalin e Kontejnerëve. Mëngjesin e sotëm në Terminalin Perëndimor kanë përfunduar përpunimin e janë gati për nisje edhe dy anije që shkarkuan afro 4200 ton melaminë dhe 3500 ton çimento importi, transmeton atsh.
Sipas APD, era e fortë që fryn nga veriu ka shkaktuar një vonesë prej 1-2 orë në lundrimin e trageteve të linjës Bari – Durrës, të cilët priten rreth orës 9.30 në portin më të madh të vendit.