Firma më e madhe e automjeteve “Mercedes” do riparojë motorët me naftë të tre milion veturave për të zvogëluar emetimin e monooksid azotit ose gazrave të dëmshme për natyrën, shkruan “Bild”.
Daimler nuk ka dhënë detaje të tjera, por aksioni pritet të kushtojë 220 milion euro dhe do fillojë nga java e ardhshme. Për pronarët e veturave “Mercedes” riparimi do jetë papagesë.
Përpara një jave kishte pasur disa pretendime se një milion vetura Mercedes emetojnë gazra të dëmshme në natyrë, më shumë sesa norma e lejuar. Për të larguar dyshimet dhe për të ruajtur imazhin, Mercedes do fillojë aksionin e lartëpërmendur./Bota sot