Drejtoresha e Përgjithshme e Fondit Monetar Ndërkombëtar (FMN), Christine Lagarde paralajmëroi sot SHBA-në se nuk do të ketë fitues në një luftë tregtare por humbës në të dyja anët.
Lagarde komentoi për rishikimim vjetor të ekonomisë amerikane nga FMN-ja, e cila vlerësoi se nëse rritja ekonomike e SHBA-së do të jetë e madhe për një periudhë afatshkurtër, masat e rimëkëmbjes financiare dhe kufizimet tregtare paraqesin rreziqe për ekonominë botërore, shkruan ATSH.
“Në rast të një lufte tregtare, e nxitur nga rritja reciproke e tarifave doganore për importet, nuk ka fitues, pasi zakonisht shohim humbës nga të dyja anët”, pohoi Lagarde gjatë një konference shtypi në Uashington.
Nga ana e saj, SHBA-ja reagoi menjëherë duke shprehur pikëpamjet e saj të kundërta me FMN-në për perspektivat afatmesme të ekonomisë së parë botërore.