Franca do të vazhdojë mbështetjen ekonomike për Kosovën

Ekonomi

Franca do të vazhdojë mbështetjen ekonomike për Kosovën

Më: 10 shtator 2018 Në ora: 17:02
Didier Chabert dhe Bedri Hamza

Ambasadori i Francës në Prishtinë, Didier Chabert, shprehu sot gatishmërinë e vendit të tij për mbështetjen edhe në të ardhmen të institucioneve të Kosovës në rritjen e bashkëpunimit në aspektin ekonomik dhe politik.

Ai gjatë një takimi me ministrin e Financave, Bedri Hamza gjithashtu shprehu përkushtimin e qeverisë franceze në vazhdimin e procesit të implementimit të Projektit për ndërtimin e impiantit për trajtimin e ujërave të zeza që po financohet me huamarrje nga thesari francez. 

Në takim është diskutuar në lidhje me zhvillimet në fushën financiare në Kosovë, me theks të veçantë aktivitetet dhe përgjegjësitë që janë në domenin e Ministrisë së Financave.

Me këtë rast, ministri Hamza e njoftoi ambasadorin Chabert për zhvillimet në Projektin e ndërtimit të Fabrikës për trajtimin e ujërave të zeza, projekt i përbashkët i Qeverisë së Kosovës dhe asaj së Francës, si dhe e falënderoi për përkushtimin e Francës për të ndihmuar Kosovën në projekte të tilla që përmirësojnë mirëqenien dhe jetën e qytetarëve.

Sot mund të lexoni Shfletoni kopertinat