Zyrtarët e doganave bënë sekuestrimin më të madh të drogës në vitin 2021 në Portin e Roterdamit në Holandë, pasi u kapën 4.178 kilogramë kokainë.
Sipas një deklarate të publikuar nga Shërbimi i Prokurorisë Publike në Roterdam të dielën, zyrtarët doganorë e gjetën drogën në dy kontejnerë nga Paraguaji, të cilat u ngarkuan në një anije tjetër në Uruguaj.
Sasia e sekuestruar, e cila ka një vlerë të përllogaritur prej rreth 313 milionë eurosh, ishte fshehur brenda qeseve me sojë. Deklarata tha se sojat ishin “të destinuara për një kompani në Portugali”.
Droga u asgjësua, thuhet në deklaratë, duke shtuar se autoritetet holandeze janë duke hetuar më tej rastin.
