Deputetja e Anglisë, Nusrat Ghani, pretendon se është shkarkuar nga posti i saj i ministres në vitin 2020, për shkak të besimit të saj, raporton The Times.
Deputetja konservatore ka akuzuar “kamxhikun” e partisë sepse ky i fundit, sipas saj, e ka pushuar nga pozita e ministres me arsyetimin se feja e saj po i bënte kolegët e saj të mos ndihen rehat.
Ghani, 49-vjeçare, u shkarkua nga pozita në shkurt të vitit 2020. Ajo pretendon se një nga “kamxhikët” e partisë i ka thënë se “myslimanizmi i saj u ngrit si cështje” në një takim dhe për shkak të kësaj kolegët e punës nuk po ndiheshin rehat.
“Ishte si të goditeshin me grusht në stomak,” tha ajo. “U ndjeva e poshtëruar dhe e pafuqishme.”
