Mbi 4,000 persona, kryesisht gra dhe fëmijë, janë larguar nga Ukraina dhe kanë arritur në Moldavi.
Një prej shpjegimeve për numrin e lartë të grave dhe fëmijëve që po ikin nga Ukraina është se autoritetet në Kiev ua kanë ndaluar ikjen nga vendi burrave të cilët janë në moshë për shërbim ushtarak.
“Ne presim që numrat të rriten”, tha për BBC, Roland Schilling, përfaqësues rajonal i Agjencisë së Refugjatëve të Kombeve të Bashkuara.
“Ne, së bashku me agjencitë e tjera të OKB-së, jemi të përgatitura për përgjigje humanitare”, tha ai.
OKB-ja më herët ka paralajmëruar se një pushtim i Ukrainës mund të nxiste një krizë me refugjatë në shkallë të gjerë.
