Me oferta akomodimi falas dhe udhëtime në Budapest, ose thjesht një përqafim dhe fjalë të mira, hungarezët kanë nxituar në kufirin ukrainas për të ndihmuar refugjatët që ikin nga pushtimi rus, raporton France24.
Për Janos Molnar, një nga dhjetëra hungarezët që presin të dielën në pikën kufitare të Tiszabecs me ushqime dhe ndihma, mbështetja është një "detyrë morale".
"Kam tre dhoma bosh në shtëpi në qytetin tim të afërt, këta njerëz kanë kaluar nëpër ferr," tha 50-vjeçari për AFP ndërsa mbante një pankartë të shkruar në gjuhën ukrainase.
Sipas të dhënave të policisë më shumë se 70,000 refugjatë kanë hyrë në Hungari nga Ukraina që nga e enjtja.
Duke tërhequr valixhet e tyre drejt turmës së stallave me ujë dhe pako ushqimore, një grup i lodhur nga Donetsk dhe Kharkiv i shkatërruar nga konflikti në Ukrainën lindore pranoi me mirënjohje ofertën e Molnar.
