Rusia dhe Ukraina do të zhvillojnë të hënën raundin e tretë të bisedimeve

Evropë

Rusia dhe Ukraina do të zhvillojnë të hënën raundin e tretë të bisedimeve

Më: 5 mars 2022 Në ora: 18:31
Foto ilustrim

Rusia dhe Ukraina do të mbajnë një raund të tretë bisedimesh gjatë ditës së hëne.

Negociatori ukrainas, David Arakhamiya përmes një mesazhi në Facebook tha se bisedimet për përfundimin e armiqësive do të rifillonin, por nuk dha detaje të mëtejshme.

Të enjten, të dyja palët ranë dakord të hapin korridoret humanitare për të lejuar civilët të dalin nga disa zona luftimi.

Megjithatë, gjatë ditës së sotme ukrainasit kanë thënë se nuk do të ketë evakuime të civilëve pasi kanë vazhduar bombardimet ruse.

Theksojmë se gjatë javës së kaluar janë arritur dy prej tre marrëveshjeve që ishin në tavolinën e bisedimeve që u zhvilluan në afërsi të kufirit ukrainaso-bjelloruse.

Ndryshe, një marrëveshje për armëpushim dhe të ndërprerjes së luftës nuk është arritur mes palëve. 

commentFirst article
Sot mund të lexoni Shfletoni kopertinat