(E plotësuar 15:24) - Fortifikohet Odesa
Qendra e Odesës, një qytet kyç ukrainas pranë Detit të Zi, në perëndim të vendit, është kthyer në një zonë të fortifikuar.
Pozicionet mbrohen nga ushtarë ukrainas, të cilët vëzhgojnë zbarkimet eventuale ajrore ose detare të forcave ushtarake ruse.
Zelensky bën thirrje për bojkotimin e produkteve ruse
Presidenti i Ukrainës, Volodymyr Zelensky, bëri thirrje për bojkotim global të të gjitha produkteve ruse, përfshirë naftën.
“Nëse pushtimi vazhdon dhe Rusia nuk heq dorë nga planet e saj kundër Ukrainës, atëherë ne kemi nevojë për një paketë të re sanksionesh”, tha Zelensky në një video-adresim të hënën.
Sipas tij, bota duhet t’i refuzojë eksportet e Rusisë, sidomos naftën dhe produktet e saj.
“Komuniteti ndërkombëtar duhet të veprojë edhe më me vendosmëri”, tha ai.
Zelensky tha se as Rusia nuk duhet të marrë mallra dhe shërbime nga jashtë “nëse nuk dëshiron t’i respektojë rregullat e civilizuara”.
“Mund të quhet embargo, ose mund të jetë thjesht moral”, tha Zelensky.
“Lëreni luftën t’i ushqejë ata”, shtoi ai.
UNHCR: Mbi 1.7 milion njerëz të zhvendosur nga Ukraina
Agjencia e Kombeve të Bashkuara për Refugjatë (UNHCR) tha se numri i njerëzve që kanë ikur nga lufta në Ukrainë, ka kaluar mbi 1.7 milion.
Një ditë më herët kjo shifër ka qenë 1.5 milion.
Sipas UNHCR-së, gati tri të pestat e totalit - afro 1.03 milion - kanë arritiur në Poloni.
Mbi 180,000 kanë shkuar në Hungari dhe 128,000 në Sllovaki.
Shefi i politikës së jashtme të Bashkimit Evropian, Josep Borrell, paralajmëroi të hënën se rreth pesë milionë ukrainas pritet të ikin nga vendi i tyre, nëse bombardimet e ushtrisë ruse vazhdojnë.
“Ne duhet t’i mobilizojmë të gjitha burimet e BE-së për t’i ndihmuar ato vende që marrin refugjatë”, u tha Borrell gazetarëve në Bruksel.
Rusia ia vë katër kushte Ukrainës për ta ndaluar luftën
Rusia tha se mund t’i ndalojë “operacionet” në Ukrainë “në çdo moment”, nëse Kievi i përmbush kushtet e saj.
Zëdhënësi i Kremlinit, Dmitry Peskov, tha se Ukraina duhet ta njohë Krimenë si rajon rus, ndërsa Donjeckun dhe Luhanskun si shtete të pavarura.
Përveç kësaj, Peskov tha se Ukraina duhet të ndryshojë edhe Kushtetutën e saj dhe të refuzojë anëtarësimin në çdo bllok.
Ai shtoi se Rusia do ta përfundojë “çmilitarizimin” e Ukrainës dhe nëse plotësohen këto kushte, veprimet ushtarake ruse “do të ndalen menjëherë”.
***
Pamje nga droni: Shërbimi ukrainas i Radios Evropa e Lirë ka siguruar pamje të xhiruara nga droni, të cilat shfaqin ato që besohet të jenë raketa ruse të tipit “Grad”, duke u hedhur në rajonin e Kievit, më 5 mars.
Tre vende të Ballkanit në listën e “shteteve jomiqësore” të Rusisë
Qeveria e Federatës Ruse miratoi të hënën një listë të shteteve dhe territoreve të huaja, që, siç tha, kryejnë veprime jomiqësore kundër Rusisë, kompanive dhe qytetarëve të saj.
Nga vendet e Ballkanit Perëndimor, lista përfshin: Shqipërinë, Malin e Zi dhe Maqedoninë e Veriut - që të tria vende anëtare të NATO-s.
“Vendet dhe territoret e përmendura në listë vendosën ose iu bashkuan sanksioneve kundër Rusisë, pas fillimit të një operacioni special ushtarak të forcave të armatosura ruse në Ukrainë”, thuhet në deklaratën e Qeverisë ruse, të cilën e transmeton agjencia ruse e lajmeve TASS.
Sipas këtij dekreti, raporton TASS, “qytetarët dhe kompanitë ruse, vetë shteti, rajonet dhe bashkitë e tij, që kanë detyrime valutore ndaj kreditorëve të huaj nga lista e vendeve jomiqësore, do t'i paguajnë ato në rubla [valutën ruse]”.
Lista, mes të tjerave, përfshin edhe Shtetet e Bashkuara, shtetet e Bashkimit Evropian, Mbretërinë e Bashkuar, Ukrainën, Zvicrën, Islandën etj.
Boris Johnson: Britania po përpunon mijëra aplikime për viza nga ukrainasit
Qeveria britanike është vënë nën shënjestrën e kritikave këtë mëngjes pasi u zbulua se vetëm 50 viza u janë dorëzuar ukrainasve që duan të kërkojnë strehim në Britani.
Megjithëse këto shifra erdhën nga Zyra e Brendshme, kryeministri Boris Johnson tha se nuk ishte i sigurt se ishin të sakta kur u pyet lidhur me këtë.
Duke folur për mediat, ai tha se Mbretëria e Bashkuar po përpunon mijëra aplikime aktualisht dhe Britania do të jetë bujare.
I pyetur se cila është shifra e vërtetë, nëse jo 50, ai tha: “Nuk mund t’ju jap numrin.”
Ministri i Jashtëm i Rusisë do të takohet me homologun ukrainas
Ministri i Jashtëm rus Sergei Lavrov pritet të takohet të enjten në Antalia të Turqisë me ministrin e Jashtëm ukrainas Dmytro Kuleba.
Takimi vjen pasi Rusia vazhdon pushtimin e saj në Ukrainë, shkruan BBC përcjell “Bota sot”.
kraina thotë se sulmet me raketa kanë vazhduar në zona të banuara në disa qytete.
Dhe se kryeqyteti Kiev mund të përballet me një sulm të gjithanshëm./BOTASOT
Ministria e Mbrojtjes thotë se Rusia po synon të dëmtoj infrastrukturën e komunikimit të Ukrainës
Ministria e Mbrojtjes e Mbretërisë së Bashkuar (MM) ka thënë se Rusia po synonte qëllimisht objektet e komunikimit të Ukrainës.
Përditësimi i fundit i inteligjencës së mbrojtjes që ai publikoi tha se Moska "ndoshta po synonte infrastrukturën e komunikimit të Ukrainës në mënyrë që të reduktonte aksesin e qytetarëve ukrainas në lajme dhe informacione të besueshme", shkruan BBC, përcjell “Bota sot”.
Pati raportime për një goditje në një kullë televizive në Kharkiv të dielën, pas një sulmi të ngjashëm në Kiev javën e kaluar.
"Qasja ukrainase në internet ka gjithashtu shumë të ngjarë të ndërpritet si rezultat i dëmit kolateral nga sulmet ruse në infrastrukturë," tha Ministria e Mbrojtjes.
"Gjatë javës së kaluar, ndërprerjet e internetit janë raportuar në Mariupol, Sumy, Kiev dhe Kharkiv."/BOTASOT
Landsbergis: Ne nuk mund ta paguajmë naftën me gjakun e Ukrainës
Ministri i Jashtëm i Lituanisë Gabrielius Landsbergis ka bërë thirrje për embargo ndaj shitjeve ruse të energjisë.
"Burimet e energjisë që ne importojmë paguajnë për operacionin ushtarak rus," tha Landsbergis në një takim të përbashkët me Sekretarin e Shtetit të SHBA Antony Blinken në Vilnius.
“Ne nuk mund të paguajmë naftën dhe gazin me gjakun e Ukrainës”, shkruan BBC, përcjell “Bota sot”.
Më vonë sot, kryeministri italian Mario Draghi do të takohet me shefen e BE-së Ursula Von der Leyen në Bruksel për të diskutuar varësinë aktuale të Italisë nga energjia ruse dhe çfarë mund të bëhet për të diversifikuar furnizimin aktual të Italisë me energji.
Italia dhe Gjermania janë ndër vendet evropiane që do të ndikoheshin më shumë nga kufizimet e importit të naftës ruse./BOTASOT
Ukraina ka pranuar gati 20 mijë raketa antitank dhe kundërajror deri më tani
Shtetet e Bashkuara dhe anëtarët e tjerë të NATO-s i kanë dërguar Ukrainës deri më tani 17,000 raketa antitank dhe 2,000 raketa anti-ajrore Stinger, tha një zyrtar i lartë amerikan për CNN.
Sapo filloi pushtimi i Rusisë, 14 vende kanë dërguar ndihmë sigurie në Ukrainë, shkruan CNN, përcjell “Bota sot”.
Disa prej të cilëve rrallë kishin dërguar pajisje të tilla të konsiderueshme më parë, tha një zyrtar i lartë i Departamentit të Mbrojtjes për CNN.
"Shumica dërrmuese" e një pakete prej 350 milionë dollarësh të ndihmës për sigurinë amerikane tashmë është dorëzuar në Ukrainë, sipas zyrtarit, vetëm një javë pasi u miratua zyrtarisht nga Shtëpia e Bardhë./BOTASOT
Ku po shkojnë refugjatët e Ukrainës?
Në atë që OKB-ja e ka quajtur krizën më të shpejtë të refugjatëve në Evropë që nga Lufta e Dytë Botërore, më shumë se 1.7 milionë civilë janë larguar tani nga Ukraina për shkak të pushtimit rus, raporton BBC, përcjell Bota sot.
Bashkimi Evropian thotë se deri në katër milionë njerëz mund të përpiqen të largohen nga vendi.
Pra, ku po shkojnë gjithë ata njerëz?
Refugjatët po kalojnë kryesisht në vendet fqinje në perëndim, kryesisht në Poloni, dhe gjithashtu në Rumani, Sllovaki, Hungari dhe Moldavi. Një numër shumë më i vogël ka shkuar në Rusi dhe Bjellorusi.
Blinken: SHBA dhe aleatët të gatshëm ndaj çdo kërcënimi ndaj NATO-s
Sekretari amerikan i Shtetit, Antony Blinken, i cili është në një vizitë zyrtare në Lituani, thotë se Rusia ka kërkuar të “minojë demokracinë e Lituanisë dhe të mbjellë polarizimin me sulme kibernetike dhe dezinformata”.
Ai gjithashtu thotë se SHBA dhe vendi i tij pritës janë "të bashkuar në vendosmërinë për të qëndruar me Ukrainën", pasi pushtimi rus arrin ditën e tij të 12-të të konfliktit, raporton BBC, përcjell Bota sot.
Shtetet e Bashkuara po forconin "mbrojtjen tonë të përbashkët", thotë ai, kështu që SHBA dhe aleatët janë të gatshëm "të përballojnë çdo kërcënim" - duke përfshirë dërgimin e 7,000 forcave të tjera amerikane në Evropë dhe ripozicionimin e të tjerëve "për të forcuar krahun lindor të NATO-s".
Sekretari Blinken ripohoi angazhim "të shenjtë" të SHBA-së ndaj nenit 5 të NATO-s - "sulmi ndaj njërit është sulm ndaj të gjithëve" - duke theksuar: "Ne do të mbrojmë çdo pëllëmbë të territorit të NATO-s".
Ukraina kërkon rrugë të tjera të evakuimit
Ukraina tha se Moska po përpiqet të manipulojë bashkësinë ndërkombëtare, duke i detyruar refugjatët nga zonat e konfliktit të evakuohen vetëm në Rusi ose Bjellorusi.
Pak orë më parë, ushtria ruse urdhëroi një armëpushim, për të lejuar evakuimin e civilëve nga kryeqyteti ukrainas, Kievi, dhe qytetet tjera: Mariupol, Harkiv, dhe Sumi.
Një zëdhënës i presidentit të Ukrainës, Volodymyr Zelensky, tha se qytetarët ukrainas duhet të lejohen të largohen nga shtëpitë e tyre përmes territorit ukrainas.
“Këta janë qytetarë të Ukrainës, ata duhet të kenë të drejtë të evakuohen në territorin e Ukrainës”, tha zëdhënësi.
Zëvendëskryeministrja Iryna Vereshchuk tha se Ukraina i bën thirrje Rusisë që të pajtohet për një armëpushim, nga sot, për t’i lejuar ukrainasit të evakuohen drejt qytetit perëndimor të Ukrainës, Lviv.
Rrugët e evakuimit të publikuara nga agjencia ruse e lajmeve RIA Novosti, tregojnë se civilët mund të largohen për në Rusi dhe Bjellorusi.
Korridori nga Kievi çon në Bjellorusi, ndërsa nga Harkivi në Rusi.
Korridoret nga qytetet Mariupol dhe Sumi çojnë në qytetet e tjera të Ukrainës, si dhe në Rusi.
Ukraina thotë se ka rimarrë qytetin Chuhuiv dhe ka vrarë dy komandantë të rangut të lartë rusë gjatë betejës
Forcat ukrainase kanë rimarrë qytetin lindor të Chuhuiv, kanë njoftuar zyrtarët e mbrojtjes.
Shtabi i Përgjithshëm tha se forcat mbrojtëse kishin rimarrë qytetin nga rusët dhe se u kishin shkaktuar humbje të mëdha njerëzve të Putinit si në personel ashtu edhe në pajisje.
Në betejë po ashtu u vranë dy komandantë rusë të rangut të lartë, raporton dailymail.
Qyteti strategjik me 31,000 banorë ndodhet 37 kilometra nga Kharkiv, qyteti i dytë më i madh në Ukrainë, i cili është nënshtruar bombardimeve intensive.
Shtabi i Përgjithshëm tha në Facebook: "Në rrjedhën e armiqësive, qyteti i Chuhuiv u çlirua".
***
Kina do t’i ofrojë ndihmë humanitare Ukrainës
Kryqi i Kuq i Kinës do të ofrojë ndihmë humanitare për Ukrainën, tha ministri i Jashtëm kinez, Wang Yi.
Ai përsëriti thirrjen për vazhdimin e bisedimeve diplomatike midis Rusisë dhe Ukrainës, me qëllim ndaljen e luftës.
Wang theksoi se miqësia e Kinës me Rusinë është “e fortë” dhe se perspektivat për bashkëpunim janë shumë të gjera.
Deklarata e tij vjen pak orë pasi kryeministri i Australisë, Scott Morrison, i kërkoi Kinës të denoncojë Rusinë dhe të marrë anën e Ukrainës.
Borrell: Pesë milionë njerëz mund të ikin nga Ukraina
Rreth pesë milionë ukrainas pritet të ikin nga vendi i tyre, nëse bombardimet e ushtrisë ruse vazhdojnë, tha të hënën shefi i politikës së jashtme të Bashkimit Evropian, Josep Borrell.
"Ne duhet të përgatitemi për të pritur rreth pesë milionë njerëz... Ne duhet t’i mobilizojmë të gjitha burimet e BE-së për t’i ndihmuar ato vende që marrin refugjatë", u tha Borrell gazetarëve në Bruksel.
"Ne do të kemi nevojë për më shumë shkolla, më shumë qendra pritjeje, gjithçka...", shtoi ai.
Kombet e Bashkuara kanë thënë se mbi 1.5 milion ukrainas janë larguar nga shtëpitë e tyre qëkur Rusia ka nisur pushtimin e Ukrainës, më 24 shkurt.
Numri më i madh i tyre, gati një milion, është vendosur në Poloni.
Presidenti i Lituanisë: Putin nuk do të ndalet në Ukrainë
Presidenti i Lituanisë, Gitanas Nauseda, paralajmëroi të hënën kryediplomatin amerikan, Antony Blinken, se dështimi për të ndaluar agresionin rus në Ukrainë, do të çojë në një konflikt global.
Sekretari amerikan i Shtetit po qëndron për vizitë në Vilnius.
Duke iu drejtuar atij, Nauseda tha se udhëheqësi rus, Vladimir Putin, “nuk do të ndalet në Ukrainë” dhe se bota e ka detyrim t’i ndihmojë ukrainasit “me të gjitha mjetet në dispozicion”.
“Vërtet mendoj në të gjitha mjetet, nëse duam të shmangim Luftën e Tretë Botërore. Zgjedhja është në duart tona”, tha ai.
Lituania, vend anëtar i NATO-s, ka dërguar ndihmë ushtarake në Ukrainë dhe ka mirëpritur disa refugjatë ukrainas qëkur ka filluar pushtimi i saj nga Rusia, më 24 shkurt.
Blinken u takua me Nausedan përpara bisedimeve me ministrin e Jashtëm dhe kryeministrin e Lituanisë.
Ai i tha më herët stafit të Ambasadës amerikane në Vilnius, se pushtimi rus i Ukrainës ka sfiduar parimet bazë, të krijuara për ruajtjen e paqes midis vendeve.
Ministri britanez: Evakuimi në një shtet që po i shkatërron është një marrëzi
Ministri i qeverisë së Britanisë së Madhe, James Cleverly, i ka quajtur planet ruse për një armëpushim të përkohshëm - për t'u lejuar civilëve akses në korridoret humanitare që të çojnë ose në Bjellorusi ose në Rusi - "cinike përtej besimit", shkruan BBC, transmeton Bota sot.
“Sigurimi i evakuimit në krahët e vendit që aktualisht po shkatërron tuajin është një marrëzi”, tha ministri për Evropën dhe Amerikën e Veriut për BBC Breakfast.
Ai përjashtoi edhe një herë mundësinë e vendosjes së një zone ndalim-fluturimi mbi Ukrainë nga NATO, duke thënë se presidenti Putin po përpiqej ta tërhiqte NATO-n në konflikt "për të justifikuar narrativën e tij të rreme se po justifikon në Rusi kundër agresionit të NATO-s".
Ai tha se Britania e Madhe do të vazhdojë të ndihmojë ukrainasit të mbrohen dhe të sigurojë mbështetje ekonomike dhe humanitare.
I pyetur për dispozitat për refugjatët, ai tha se nuk kishte asnjë ndryshim në planet e mëparshme të shpallura nga sekretari i brendshëm, duke theksuar se duhet të kishte një proces.
Ai tha se nuk kishte asnjë objektiv apo kufizim për numrat që mbërrinin - por "në mënyrë të pashmangshme" do të rritej përtej 50 vizave që raportohen aktualisht - dhe puna ishte në vazhdim për të shpejtuar procesin e aplikimit.
"Ne nuk e dimë saktësisht se cilat do të jenë numrat - kjo është kriza më e madhe e refugjatëve që nga Lufta e Dytë Botërore."
"Ne po kërkojmë të krijojmë diçka në shkallë të gjerë shumë shpejt."
Ukraina: Vendimi i Rusisë për korridoret humanitare, i pamoralshëm
Zyrtarët ukrainas thanë se propozimi i Rusisë për korridore humanitare, që i çojnë refugjatët në Bjellorusi ose Rusi, është “plotësisht i pamoralshëm”.
Qytetarët ukrainas duhet të lejohen të largohen nga shtëpitë e tyre përmes territorit ukrainas, tha një zëdhënës i presidentit ukrainas, Volodymyr Zelensky.
“Vuajtjet e njerëzve përdoren për të krijuar pamjen e dëshiruar televizive”, tha ai për agjencinë e lajmeve Reuters.
Rrugët e evakuimit të publikuara nga agjencia ruse e lajmeve RIA Novosti, treguan se civilët do mund të largohen për në Rusi dhe Bjellorusi.
Korridori nga Kievi çon në Bjellorusi, ndërsa nga Harkivi çon në Rusi.
Korridoret nga qytetet Mariupol dhe Sumi çojnë në qytetet e tjera të Ukrainës, si dhe në Rusi.
Granatimet shkatërrojnë shkollat në Ukrainë
Një nxënëse e plagosur ka publikuar një video në Instagram, ku ka thënë: “Shpresoj që gjërat janë më mirë në vendin ku jetoni... Dërgojuani këtë video të gjithë miqve tuaj rusë”.
Pesë lajmet e fundit nga Ukraina janë:
Rusia tha se ka hapur korridore të reja humanitare nëpër disa qytete të Ukrainës, përfshirë kryeqytetin Kiev, për të lejuar evakuimin e civilëve. Gjatë fundjavës, dy përpjekje për të hapur korridore evakuimi për civilët nga Mariupoli, dështuan.
Presidenti i Ukrainës, Volodymyr Zelensky, akuzoi Rusinë për vrasje të civilëve. Një familje mbeti e vrarë të dielën nga një sulm i forcave ruse në qytetin Irpin.
Zyrtarët e mbrojtjes në Ukrainë thanë se forcat e tyre kanë rimarrë kontrollin e qytetit lindor, Çuiv.
Në qytetin port jugor, Mikollaiv, u raportuan bombardime të reja nga ana e ushtrisë ruse.
Delegacionet e Ukrainës dhe Rusisë pritet të takohen sot për një rund të ri bisedimesh, me synim ndaljen e armiqësive në Ukrainë.
Australia i kërkon Kinës të marrë anën e Ukrainës
Kryeministri i Australisë, Scott Morrison, i kërkoi Kinës që t'iu bashkohet përpjekjeve për të ndaluar pushtimin rus të Ukrainës.
Morrison paralajmëroi se bota është në rrezik të riformësohet nga një “hark autokracie”.
Kina, e cila ka lidhje të ngushta me Moskën, ka refuzuar ta cilësojë si pushtim sulmin rus ndaj Ukrainës, ndërsa u ka kërkuar vendeve perëndimore që t’i respektojnë “shqetësimet legjitime” të Rusisë për sigurinë.
Pekini ka bërë thirrje për zgjidhjen e krizës përmes negociatave.
Rusia ka nisur pushtimin e paprovokuar të Ukrainës më 24 shkurt, pasi nuk ka marrë garanci nga NATO-ja se nuk do të zgjerohet drejt lindjes.
Shteti rus këmbëngul se zgjerimi i NATO-s me Ukrainën apo vendet e tjera ish-sovjetike, paraqet kërcënim për sigurinë e tij, edhe pse një gjë e tillë hidhet poshtë nga NATO-ja.
Perëndimi ka ndërmarrë një varg sanksionesh të rënda kundër Rusisë, pas nisjes së pushtimit të Ukrainës.
“Bota ka dëgjuar fjalët e Kinës për angazhimin e saj ndaj paqes globale dhe respektimit të sovranitetit dhe integritetit territorial”.
“I takon Kinës, në këtë pikë kyçe të historisë, të tregojë se këto janë më shumë se vetëm fjalë”, tha Morrison.
Ai falënderoi vendet e tjera të Azisë, Japoninë, Korenë e Jugut dhe Singaporin, për sanksionet e tyre ndaj Rusisë.
Kjo është një “dëshmi e mirëseardhur e solidaritetit ndërkombëtar në rajonin tonë”, tha Morrison.
Danimarka rrit shpenzimet e mbrojtjes
Danimarka njoftoi se do t’i rrisë shpenzimet e saj për mbrojtje, pas pushtimit të Ukrainës nga Rusia.
Kryeministrja Mette Frederiksen tha se të gjitha palët kanë rënë dakord për rritjen e shpenzimeve vjetore të mbrojtjes në 2% të bruto prodhimit të brendshëm, deri në vitin 2033.
Shuma është ekuivalente me 2.65 miliardë dollarë çdo vit.
Frederiksen tha po ashtu se Danimarka do të zvogëlojë varësinë e saj nga gazi natyror rus.
“Kohët historike kërkojnë vendime historike”, tha ajo.
Reagon edhe Kina ndaj luftës, ofron ndihmë humanitare për Ukrainën
Kryqi i Kuq i Kinës do të ofrojë ndihmë humanitare për Ukrainën, tha ministri i Jashtëm Wang Yi, teksa përsëriti thirrjen për vazhdimin e bisedimeve diplomatike, shkruan BBC, transmeton Bota sot.
Ai theksoi se miqësia e Kinës me Rusinë është "e fortë" dhe perspektivat për bashkëpunim janë shumë të gjera.
Fjalët e Yi vijnë disa orë pasi kryeministri i Australisë Scott Morrison i kërkoi Kinës të denoncojë Rusinë.
Në një fjalim të gjatë për politikën e jashtme në Sydney, Morrison tha se Kina ka folur vazhdimisht për respektimin e sovranitetit dhe integritetit territorial.
“I takon Kinës, në këtë pikë kyçe të historisë, të tregojë se këto janë më shumë se vetëm fjalë”, tha Morrison, duke shtuar se “asnjë vend nuk do të kishte një ndikim më të madh në Rusi sesa Kina”.
Deri më tani, qeveria e Kinës as nuk e ka dënuar dhe as e ka falur luftën e Rusisë kundër Ukrainës dhe madje është përmbajtur duke e quajtur atë një "pushtim" në radhë të parë.
Por në fillim të kësaj jave, Yi sinjalizoi se Kina ishte gati të luante një rol në ndërmjetësimin e një armëpushimi.
Çlirohet qyteti Chuhuiv në Ukrainë
Forcat e Armatosura të Ukrainës kanë njoftuar se kanë çliruar qytetin Chuhuiv.
Sipas Forcave, çlirimi rezultoi me humbje të madhe në person dhe pajisje në kampin rus.
Gjatë luftimeve, u vra një komandant brigade, zëvendëskomandat brigade dhe një nënkolonel sulmues.
“Në rrjedhën e armiqësive, qyteti i Chuhuiv u çlirua duke i shkaktuar Rusisë humbje të mëdha në personel dhe pajisje. U shkatërrua Komandanti i Brigadës së 61-të të Veçantë të Forcave të Armatosura të Federatës Ruse Nënkolonel Dmitry Safronov dhe Zëvendës Komandanti i Brigadës së 11-të Sulmuese të Veçantë TVSH i Forcave të Armatosura Ruse nënkoloneli Denis Glebov” thuhet në njoftim.
Chuhuiv është qytet i vogël buzë Kharkivit.
***
Macron zbulon bisedën me Putinin, flasin për instalimet bërthamore
Presidenti i Francës, Emmanuel Macron, ka folur me homologun e tij ukrainas, Volodymyr Zelensky në lidhje me telefonatën që francezi pati me rusin Vladimir Putin.
Sipas Pallatit Elysee, Macron i tha Zelenskyt se me Putinin folën për një marrëveshje të përbashkët që do të ndërmerret në bazë të rekomandimeve të Agjencisë Ndërkombëtare për Energjinë Atomike dhe sigurinë e termocentraleve bërthamore në Ukrainë.
Siç shkruan CNN, Macron ka shprehur shqetësimin e tij për sigurinë bërthamore gjatë telefonatës me homologun e tij rus, Vladimir Putin, në bisedën telefonike që e ka zhvilluar këtë të dile.
“Në telefonatën e tij me Zelenskyn, Macron kishte përsëritur domosdoshmërinë absolute për të shmangur çdo sulm ndaj integritetit të objekteve bërthamore civile të Ukrainës”.
Tutje, bëhet e ditur se Macron i ka thënë Zelenskyt se Franca do t’i kushtojë vëmendje të madhe nevojave të Ukrainës dhe se do ta rrit mbështetjen në këtë fushë.
***
Zelensky, trupave ruse: S’do ketë vend të qetë për ju, përveç varrit
Presidenti i Ukrainës, Volodymyr Zelensky, paralajmëroi ushtrinë ruse se forcat e tij “do të ndjekin deri në varr çdo ushtar që kryen krime lufte” në Ukrainë.
Ushtarët rusë “do të përballen me ditën e gjykimit” për “vrasje të qëllimshme”, tha ai në një adresim nga Kievi.
“Ne nuk do të falim. Nuk do të harrojmë. Do t’i ndëshkojmë të gjithë ata që kryejnë mizori në këtë luftë. Në tokën tonë”, tha Zelensky.
“Nuk do të ketë vend të qetë në këtë tokë për ju, përveç varrit”, shtoi ai.
Zelensky u kërkoi udhëheqësve perëndimorë që të ndërmarrin veprime më të fuqishme kundër Moskës, duke thënë se “guximi i agresorit është një sinjal i qartë për Perëndimin, se sanksionet kundër Rusisë nuk janë të mjaftueshme”.
Perëndimi është duke bërë përpjekje ta izolojë Rusinë, si në aspektin ekonomik, ashtu edhe atë diplomatik, për shkak të pushtimit të Ukrainës.
Presidenti rus, Vladimir Putin, ka dhënë urdhrin për pushtim më 24 shkurt, pasi nuk ka marrë garanci nga NATO-ja se nuk do të zgjerohet drejt lindjes.
Raportohet se forcat ruse janë duke avancuar drejt kryeqytetit Kiev.
Kryebashkiaku i Mykolaiv konfirmon bombardimet e reja ruse
Tani ka më shumë informacion mbi bombardimet e reja ruse të qytetit port jugor të Mykolaiv.
Kryetari i bashkisë së qytetit ka konfirmuar raportet e mëparshme se forcat e Moskës bombarduan qytetin me zjarr artilerie të hënën në mëngjes.
Në një mesazh të postuar në Facebook, Oleksandr Senkevych shkroi se trupat ruse kishin shënjestruar ndërtesat e banimit në qytet dhe ndau një video të një blloku banesash të përfshirë nga flakët.
"Ka shumë predha në qytet që nuk shpërthyen... mos u afroni, mos i ngrini dhe mos u përpiqni t'i lëvizni vetë", paralajmëroi Senkevych.
Sulmi i ripërtërirë vjen një ditë pasi forcat ukrainase zmbrapsën një sulm rus në qytetin me 476,100 banorë dhe rimorën aeroportin lokal.
***
Krijohen korridore për evakuimin e civilëve ukrainas drejt qyteteve ruse
Sipas mediave të ndryshme shtetërore ruse, të gjitha duke cituar ministrinë ruse të mbrojtjes, korridoret - të cilat do të hapen nga qytetet e Kievit, Kharkiv, Mariupol dhe Sumy - po krijohen me kërkesë personale të presidentit francez Emmanuel Macron, shkruan The Guardian, transmeton Bota sot.
Disa korridore duket se përfshijnë evakuimin e civilëve ukrainas drejt qyteteve ruse.
Sipas rrugëve të publikuara nga agjencia e lajmeve RIA Novosti, korridori nga Kievi do të çojë në Bjellorusi dhe civilët që kërkojnë të ikin nga Kharkiv do të kenë vetëm një korridor që të çon në Rusi.
Korridoret nga Mariupol dhe Sumy do të çojnë në qytete të tjera të Ukrainës dhe në Rusi.
Ata që duan të largohen nga Kievi gjithashtu do të mund të transportohen me avion në Rusi, tha ministria, duke shtuar se do të përdorë drone për të monitoruar evakuimin dhe "përpjekjet nga pala ukrainase për të mashtruar Rusinë dhe të gjithë botën e qytetëruar ... janë të padobishme kësaj radhe".
Dy operacione të planifikuara evakuimi nga Mariupol dhe qyteti i afërt i Volnovakha dështuan gjatë dy ditëve të fundit pasi palët akuzuan njëra-tjetrën për dështimin për të ndaluar të shtënat dhe bombardimet.
Vetëm në Mariupol, autoritetet ukrainase kanë thënë se kanë planifikuar të evakuojnë mbi 200,000 civilë, ose gjysmën e popullsisë së qytetit.
Forcat ruse bombarduan me zjarr qytetin e Mykolaiv
Raportet po tregojnë për një sulm rus në qytetin e Mykolaiv pranë Detit të Zi në Ukrainën jugore, shkruan The Guardian, transmeton Bota sot.
Forcat ruse thuhet se bombarduan qytetin me zjarr artilerie të hënën në mëngjes, vetëm një ditë pasi trupat ukrainase i larguan nga kufijtë e qytetit.
Pamjet që pretendojnë të tregojnë një breshëri të rëndë artilerie kundër Mykolaiv u ngarkuan në Tëitter nga reporteri i New York Times, Michael Schwirtz.
Миколаїв. Російські терористи обстрілювали житловий будинок. pic.twitter.com/WI6RE6cHuq
— Верховна Рада України (@verkhovna_rada) March 7, 2022
"Nga këndvështrimi im, unë mund të shihja ndezje nga sulmi që ndriçonin qiellin e natës përgjatë një pjese të madhe të qytetit," thotë Schwirtz së bashku me një klip 10 sekonda.
Kryetari i bashkisë së qytetit, Oleksandr Senkevych, konfirmoi raportet në një mesazh të postuar në Facebook, duke shkruar se trupat ruse kishin shënjestruar ndërtesat e banimit në qytet dhe ndau një video të një blloku banesash të përfshirë nga flakët.
"Ka shumë predha në qytet që nuk shpërthyen... mos u afroni, mos i ngrini dhe mos u përpiqni t'i lëvizni vetë," paralajmëroi Senkevych.
Rusia thotë se do të ndalë zjarrin për të lejuar që civilët të arratisen
Rusia do të hapë korridore të reja humanitare nëpër qytete të shumta të Ukrainës të hënën për të lejuar evakuimin e civilëve, raportojnë mediat shtetërore.
Armëpushimi do të bëhet nga ora 10:00 sipas kohës lokale, sipas ministrisë ruse të mbrojtjes, me rrugë evakuimi të vendosura në kryeqytetin Kiev, si dhe në Kharkiv, Mariupol dhe Sumy. Të gjitha këto qytete janë aktualisht nën një operacion të rëndësishëm sulmi rus.
Zyrtarët ukrainas ende nuk e kanë konfirmuar këtë.
Gjatë fundjavës, dy përpjekje për të hapur një rrugë për të lejuar evakuimin e civilëve nga Mariupol në juglindje të vendit u shkatërruan.
Zyrtarët ukrainas thanë se kjo ishte për shkak se Rusia vazhdoi të bombardonte qytetin gjatë orëve të armëpushimit të rënë dakord.
***
Zyrtari amerikan thotë se Rusia ka shkrepur 600 raketa në Ukrainë
Rusia ka shkrepur gjithsej 600 raketa që nga fillimi i pushtimit të saj në Ukrainë, tha një zyrtar i lartë i Mbrojtjes së SHBA-së, dhe ajo ka kryer afërsisht 95 për qind të fuqisë së saj luftarake të grumbulluar brenda Ukrainës.
SHBA vëzhgoi luftime të vazhdueshme në Kherson dhe Mykolaiv të hënën dhe forcat ruse janë ende duke u përpjekur të rrethojnë Kievin, Khakhivin, Chernihivin dhe Mariupolin, sipas zyrtarit.
Por përparimet janë përballur me rezistencë të fortë ukrainase, duke ngadalësuar sulmin rus.
Ndërkohë, autokolona masive ruse në veri të Kievit, e gjatë mbi 60 kilometra, mbetet e bllokuar, por nuk ka asnjë informacion se sa larg është nga Kievi. Në fund të javës së kaluar, ishte afërsisht 25 kilometra nga qendra e qytetit të Kievit.
Zyrtari tha gjithashtu se SHBA nuk ka vëzhguar një sulm pranë Odessa dhe ata nuk vlerësojnë se një është i afërt.
Ai nuk mundi të konfirmonte raportet se rusët qëlluan mbi protestuesit në Kiev ose shkeljet e marrëveshjes së armëpushimit për të lejuar korridoret humanitare. Zyrtari gjithashtu nuk mund të vërtetonte raportet se rusët po mbledhin rezerva, transmeton CNN.
***
Tani kemi më shumë informacion mbi bombardimet e reja ruse të qytetit port jugor të Mykolaiv.
Kryetari i bashkisë së qytetit ka konfirmuar raportet e mëparshme se forcat e Moskës bombarduan qytetin me zjarr artilerie të hënën në mëngjes.
Në një mesazh të postuar në Facebook, Oleksandr Senkevych shkroi se trupat ruse kishin shënjestruar ndërtesat e banimit në qytet dhe ndau një video të një blloku banesash të përfshirë nga flakët.
"Ka shumë predha në qytet që nuk shpërthyen... mos u afroni, mos i ngrini dhe mos u përpiqni t'i lëvizni vetë", paralajmëroi Senkevych.
Sulmi i ripërtërirë vjen një ditë pasi forcat ukrainase zmbrapsën një sulm rus në qytetin me 476,100 banorë dhe rimorën aeroportin lokal.
Forcat ukrainase pretendojnë se kanë rimarrë Chuhuiv
Zyrtarët ukrainas të mbrojtjes pretendojnë se forcat e tyre kanë rimarrë qytetin lindor të Chuhuiv.
Në një përditësim operacional të postuar në Facebook të dielën mbrëma, Shtabi i Përgjithshëm i Ukrainës tha se forcat e Kievit kishin pushtuar qytetin nga trupat ruse dhe kishin shkaktuar humbje të mëdha në forcat e Moskës gjatë betejës.
Zyrtarët ukrainas pohuan gjithashtu se dy komandantë të rangut të lartë rusë u vranë gjatë betejës për qytetin, i cili krenohet me një popullsi prej rreth 31,000 njerëz.
BBC nuk mund të verifikojë në mënyrë të pavarur këto pretendime.
Chuhuiv ndodhet në një vend strategjik rreth 23 milje nga qyteti i dytë më i madh i Ukrainës, Kharkiv, i cili ka qenë nën granatime të rënda nga forcat ruse për më shumë se një javë.
Lufta e Ukrainës "katastrofike për ushqimin global"
Shefi i një prej kompanive më të mëdha të plehrave në botë ka thënë se lufta në Ukrainë do të sjellë një tronditje në furnizimin global dhe koston e ushqimit.
Yara International, e cila operon në më shumë se 60 vende, blen sasi të konsiderueshme të lëndëve të para thelbësore nga Rusia.
Çmimet e plehrave tashmë ishin të larta për shkak të rritjes së çmimeve të gazit me shumicë.
Shefi i Yara, Svein Tore Holsether, ka paralajmëruar se situata mund të bëhet edhe më e ashpër.
“Gjërat ndryshojnë nga ora në orë”, tha ai për BBC.
"Ne ishim tashmë në një situatë të vështirë para luftës... dhe tani është një ndërprerje shtesë në zinxhirët e furnizimit dhe po i afrohemi pjesës më të rëndësishme të këtij sezoni për hemisferën veriore, ku duhet të lëvizë shumë pleh. dhe kjo ka shumë të ngjarë të ndikohet."
Rusia dhe Ukraina janë disa nga prodhuesit më të mëdhenj në bujqësi dhe ushqim në nivel global.
Rusia prodhon gjithashtu sasi të mëdha të lëndëve ushqyese, si potasi dhe fosfati - përbërës kryesorë në plehra, të cilët u mundësojnë bimëve dhe kulturave të rriten.
“Gjysma e popullsisë së botës merr ushqim si rezultat i plehrave... dhe nëse kjo hiqet nga fusha për disa kultura, [rendimenti] do të bjerë me 50%,” tha zoti Holsether.
"Për mua, nuk është nëse po kalojmë në një krizë globale ushqimore - është se sa e madhe do të jetë kriza."
Svein Tore Holsether, shefi ekzekutiv i Yara International, i tha BBC-së se çmimet e plehrave tashmë ishin të larta për shkak të rritjes së çmimeve të gazit.
Kompania e tij tashmë është prekur nga konflikti pasi një raketë goditi zyrën e Yara në Kiev. 11 personeli mbetën të padëmtuar.
Kompania me bazë në Norvegji nuk është e prekur drejtpërdrejt nga sanksionet kundër Rusisë, por duhet të përballet me dështimin. Përpjekja për të siguruar dërgesat është bërë më e vështirë për shkak të ndërprerjes në industrinë e transportit.
Vetëm disa orë pasi zoti Holsether foli për BBC, qeveria ruse u kërkoi prodhuesve të saj të ndalonin eksportet e plehrave.
Ai vuri në dukje se rreth një e katërta e lëndëve ushqyese kryesore të përdorura në prodhimin e ushqimit evropian vijnë nga Rusia.
"Në të njëjtën kohë ne po bëjmë gjithçka që mundemi të bëjmë në këtë moment për të gjetur gjithashtu burime shtesë. Por me afate kaq të shkurtra kohore është e kufizuar," tha ai përpara se të dilte lajmi.
Analistët kanë paralajmëruar gjithashtu se masa do të nënkuptonte kosto më të larta për fermerët dhe rendimente më të ulëta të të korrave. Kjo mund të çojë në kosto edhe më të larta për ushqim.
Ushqyesit nuk janë gjithashtu i vetmi faktor që duhet marrë parasysh.
Sasi të mëdha gazi natyror nevojiten për të prodhuar amoniak, përbërësin kryesor në plehrat azotike. Yara International mbështetet në sasi të mëdha gazi rus për uzinat e saj evropiane.
Vitin e kaluar, ajo u detyrua të pezullojë përkohësisht prodhimin e rreth 40% të kapacitetit të saj në Evropë për shkak të rritjes së çmimit të gazit me shumicë. Prodhuesit e tjerë gjithashtu shkurtuan furnizimet.
E kombinuar me tarifat më të larta të transportit, sanksionet ndaj Bjellorusisë (një tjetër furnizues i madh i potasit) dhe moti ekstrem - kjo shkaktoi një rritje të madhe të çmimeve të plehrave vitin e kaluar, duke shtuar një rritje të çmimeve të ushqimeve.
Kompania thotë se po bën vlerësime të përditshme se si të ruajë furnizimin dhe se është shumë herët për të thënë nëse mund të ketë më shumë mbyllje në karta.
Ajo pranon se ka një "detyrim shumë të fortë" për të mbajtur prodhimin në punë në atë që e përshkruan si një pikë kritike.
Por shefi i Yara thotë se bota duhet, në planin afatgjatë, të zvogëlojë varësinë e saj nga Rusia për prodhimin global të ushqimit.
“Nga njëra anë, ne po përpiqemi të mbajmë plehrat të rrjedhin tek fermerët për të mbajtur rendimentet bujqësore".
"Në të njëjtën kohë...duhet të ketë një reagim të fortë. Ne dënojmë pushtimin ushtarak rus të Ukrainës kështu që kjo është një dilemë dhe që sinqerisht është shumë e vështirë."
Ndryshimet klimatike dhe popullsia në rritje i kishin shtuar tashmë sfidat me të cilat përballet sistemi global i prodhimit të ushqimit - të gjitha para fillimit të pandemisë.
Shefi ekzekutiv i Yara International e përshkruan luftën si "një katastrofë mbi një katastrofë", duke theksuar se sa i cenueshëm ndaj goditjeve është tani zinxhiri global i furnizimit me ushqime.
Do të rrisë pasigurinë ushqimore në vendet më të varfra, shton ai.
“Duhet të kemi parasysh se në dy vitet e fundit, ka pasur një rritje prej 500 milionë më shumë njerëzve që shkojnë në shtrat të uritur... kështu që kjo të vijë në krye të saj është vërtet shqetësuese”./BBC
***
Rusia forcon kontrollin mbi centralin bërthamor të Zhaporizias
Agjencia Ndërkombëtare e Energjisë Atomike thotë se forcat ruse po forcojnë kontrollin e tyre ndaj impiantit bërthamor të Zaporizhias, më i madhi i Ukrainës dhe në Evropë, të cilën ata e morën nën kontroll pak ditë më parë.
Drejtori i Përgjithshëm i Agjencisë Ndërkombëtare për Energjinë Atomike Rafael Mariano Grossi, tha të dielën se forcat ushtarake ruse po u kërkojnë punonjësve të personelit ukrainas në central, të marrin miratim për çdo operacion, madje edhe për ato që lidhen me mirëmbajtjen e impiantit. Ai tha se forcat ushtarake ruse kanë penguar komunikimet normale duke fikur rrjetet celulare dhe internetin.
Autoriteti rregullator i Ukrainës tha se linjat telefonike, emailet apo faksi nuk funksionojnë më. Zoti Grossi tha se ishte jashtëzakonisht i shqetësuar rreth këtyre zhvillimeve, duke shtuar se që impianti të funksionojë në mënyrë të sigurt, personeli duhet të lejohet të kryejë detyrat e tij jetike, në kushte të qëndrueshme, pa ndërhyrje ose trysni të jashtme të panevojshme.
Ndërkohë ushtria ruse ka paralajmëruar vendet fqinje me Ukrainën që mos përdorin territorin e tyre për avionët luftarakë të Kievit, duke thënë se Moska mund t'i konsiderojë këto vende si pjesë të konfliktit, nëse avionët ukrainas kryejnë misione luftarake duke u nisur nga territori i tyre.
Zëdhënësi i Ministrisë ruse të Mbrojtjes Igor Konashenkov tha të dielën se disa avionë luftarakë ukrainas ishin ridislokuar në Rumani dhe në vende të tjera fqinje me Ukrainën, por ai nuk i identifikoi ato.
Zoti Konashenkov paralajmëroi se nëse këta avionë luftarakë sulmojnë forcat ruse nga territori këtyre vendeve, ky mund të konsiderohet si angazhim i tyre në konflikt ushtarak.
Dje zyra e presidentit francez njoftoi rreth një bisede telefonike mes Ppresidentit rus Vladimir Putin dhe atij francez Emmanuel Macron. Biseda u përqëndrua kryesisht në sigurinë e centraleve bërthamore të Ukrainës.
Telefonata ishte kryer me kërkesë të zotit Macron dhe zgjati pothuajse dy orë njoftuan autoritetet franceze.
Një zyrtar francez tha se zoti Macron këmbënguli në nevojën për të garantuar respektimin e standardeve të sigurisë së Agjencisë Ndërkombëtare të Energjisë Atomike në centralin e Çernobilit, si dhe në centrale të tjera bërthamore. Ai i tha zotit Putin se këto objekte nuk duhet të jenë në shënjestër të ofensivës ruse apo të jenë mes zjarrit të përplasjeve ushtarake.
Zoti Putin tha se nuk ka ndërmend të sulmojë centralet bërthamore dhe ra dakord mbi parimin e një dialogu mes Agjencisë Ndërkombëtare të Energjisë Atomike, Ukrainës dhe Rusisë për këtë çështje, tha një zyrtar francez, i cili foli në kushte anonimiteti. Ai shtoi se mes dy udhëheqësve do të zhvillohen bisedime të tjera në ditët në vijim.
Zoti Macron përsëriti thirrjen drejtuar Rusisë që të ndalë operacionin e saj ushtarak dhe këmbënguli në nevojën për të mbrojtur civilët dhe për të lejuar kalimin e ndihmave humanitare.
"Situata (humanitare) është e vështirë përfshirë në Mariupol", theksoi zyrtari. "Kërkesat tona mbeten të njëjta: ne duam që Rusia t'u përgjigjet këtyre kërkesave... shumë shpejt dhe qartë", tha ai.
Të dielën udhëheqësi i Bashkimit Evropian Charles Michel tha se mbyllja e hapësirës ajrore të Ukrainës mund të bëhej shkak për ndezjen e një lufte botërore.
Presidenti ukrainas Volodymyr Zelenskyy u ka bërë vazhdimisht thirrje vendeve të NATO-s që të ndalin sulmin e Rusisë ndaj vendin e tij duke vendosur një zonë ndalim-fluturimi. Por udhëheqësit perëndimorë e kanë refuzuar atë nga frika e një lufte më të gjerë në Evropë. Vendosja e avionëve luftarakë mbi Ukrainë, në rrethanat aktuale, mund të konsiderohej si hyrje e NATO-s në luftë dhe për këtë arsye rrezikon Luftën e Tretë Botërore, tha zoti Michel në një intervistë për transmetuesin publik 'France Inter'.
Zoti Michel hodhi poshtë pretendimet se sanksionet ekonomike kundër Rusisë janë një shpallje lufte nga ana e BE-së ose NATO-s ndaj Rusisë. Presidenti rus Vladimir Putin e ka lidhur ndëshkimin ekonomik të Perëndimit me një shpallje lufte ndaj Moskës.
Zoti Michel tha se aleatët evropianë dhe amerikanë kanë vendosur sanksione për të ushtruar trysni e për të dëmtuar regjimin rus dhe jo njerëzit, sikurse tha ai./VOA
***
SHBA kanë furnizuar presidentin ukrainas me pajisje të koduara, duke i mundësuar atij të telefonojë Biden në një linjë të sigurt
Ekipet e inteligjencës amerikane thuhet se po punojnë për të ndërprerë sulmet dhe komunikimet dixhitale ruse, raporton New York Times.
Sipas Times, personeli i Komandës Kibernetike të SHBA-së me bazë në SHBA dhe Gjermani po i siguron ushtrisë ukrainase informacione të inteligjencës nga imazhet satelitore dhe përgjimet elektronike brenda "një ose dy orësh" nga mbledhja.
Shtetet e Bashkuara kanë furnizuar gjithashtu presidentin ukrainas Zelensky me pajisje komunikimi të koduara, duke i mundësuar atij të telefonojë Biden në një linjë të sigurt, raporton Times. Të shtunën, Zelensky mbajti një telefonatë 35-minutëshe me Biden.
Të enjten, sekretarja e shtypit e Shtëpisë së Bardhë Jen Psaki tha se SHBA po ndante inteligjencën me Ukrainën "në kohë reale". Nuk u dhanë detaje të mëtejshme.
***
Rusia po përgatitet për një sulm të gjithanshëm ndaj Kievit, thotë Ukraina
Zyrtarët ukrainas të mbrojtjes kanë paralajmëruar se Rusia po përgatit forcat e saj për të nisur një sulm të gjithanshëm në kryeqytetin e Kievit.
Një përditësim nga Shtabi i Përgjithshëm i ushtrisë ukrainase tha se forcat e Moskës kishin filluar të grumbullonin burime për një sulm në qytet, me tanke dhe njësi të motorizuara të këmbësorisë që përparonin drejt qytetit të afërt të Irpin për të hedhur bazat.
Përditësimi shtoi se komandantët rusë kishin furnizuar forcat e tyre me karburant të dërguar nga Bjellorusia përmes zonës së përjashtimit të Çernobilit.
Diku tjetër, zyrtarët raportuan se ushtria ruse po përqendronte përpjekjet e saj në rrethimin e qyteteve lindore të Kharkiv, Chernihiv, Sumy dhe qytetin jugor të Mykolayiv.
***
Videoja duket se tregon avionin e rrëzuar
Videoja që shpërndahet gjerësisht në internet duket se tregon një avion duke u rrëzuar mbi qiellin e Kharkiv.
Ndërsa BBC ka verifikuar vërtetësinë e videos, është e vështirë të përcaktohet vendndodhja e saktë ose nëse ishte një avion rus apo ukrainas.
Mediat lokale kanë raportuar, megjithatë, se avioni është një avion sulmues tokësor rus Su-25 që u rrëzua nga mbrojtja kundërajrore ukrainase pranë qytetit të sulmuar.
Ukraina thotë se ka rrëzuar më shumë se 80 avionë dhe helikopterë rusë që nga fillimi i luftës.
Të dielën, një zyrtar i lartë i mbrojtjes amerikane tha se hapësira ajrore mbi Ukrainë mbeti e kontestuar dhe rrjeti i mbrojtjes ajrore të Ukrainës ishte ende "efektiv dhe në përdorim".
Aircraft shot down over Kharkiv pic.twitter.com/psOUL26SI5
— OSINTtechnical (@Osinttechnical) March 6, 2022
***
Presidenti ukrainas Volodimir Zelenski paralajmëroi të dielën se Rusia po planifikon të bombardojë Odesën. Gjatë një deklarate televizive ai shtoi se nëse një gjë e tillë do të ndodhte "do të përbënte një krim lufte...një krim historik".
Presidenti i Ukrainës, i cili foli në rusisht një pjesë të deklaratës, u kërkoi rusëve të zgjedhin mes jetës dhe skllavërisë, në një kohë kur siç tha, është ende e mundur të mposhtet e keqja, pa humbje të pariparueshme.
Të shtunën Presidenti rus Vladimir Putin tha se statusi i Ukrainës është në rrezik nëse vendi vazhdon në rrugën që po ndjek aktualisht.
Gjatë një takimi me punonjësit e Aeroflot, zoti Putin shtoi se çdo krijimi i zonave të ndalim-fluturimit mbi Ukrainë, do të kishte pasoja kolosale dhe katastrofike jo vetëm për Evropën, por për të gjithë botën.
Presidenti ukrainas Volodimir Zelenski ka kritikuar NATO-n për mos krijimin e një zone të ndalim-fluturimit, por aleanca perëndimore thotë një vendim i tillë mund të përshkallëzonte konfliktin me Rusinë.
Të shtunën në mbrëmje Presidenti Joe Biden zhvilloi një bisedë telefonike me presidentin e Ukrainës. Udhëheqësit biseduan për punën që Shtetet e Bashkuara, aleatët, partnerët dhe industria private po bëjnë për të rritur koston e luftës për Rusinë.
Zoti Biden tha se administrata e tij po rrit sigurinë, ndihmën ekonomike dhe humanitare për Ukrainën dhe se po punon me Kongresin për sigurimin e më shumë fondeve.
Udhëheqësi i shumicës në Senat Chuck Schumer njoftoi se më herët gjatë ditës së shtunë zoti Zelenski u takua me rreth 300 persona, mes tyre senatorë, anëtarë të Dhomës së Përfaqësuesve dhe punonjës që ndihmës. Ai bëri një lutje të dëshpëruar për t’i dërguar vendit të tij më shumë avionë për t’u përballur me agresionin rus./VOA
