Kryetari i qytetit perëndimor të Ukrainës, Lviv, Andriy Sadovyi, tha se numri i refugjatëve në qytetin e tij tani është më shumë se 200,000, që është dyfishi i pritjeve të tij të mëparshme, transmeton CNN, përcjell Bota sot.
Ai tha se organizatat ndërkombëtare kanë ndihmuar me situatën e refugjatëve, plus qyteti ka hapur shkolla, teatro dhe arenën e tij për të strehuar refugjatët. Shumë banorë të qytetit kanë mirëpritur gjithashtu refugjatët në shtëpitë e tyre.
Ndihma humanitare po dërgohet gjithashtu nga Lviv në qytetet në Ukrainën lindore, shtoi ai.
Sadovyi u bëri jehonë liderëve të tjerë të Ukrainës, përfshirë presidentin Volodymyr Zelensky, në thirrjen për një zonë të ndaluar fluturimi mbi Ukrainë, për të cilën aleatët perëndimorë kanë thënë se mund të çojë në përshkallëzim të mëtejshëm.
"Kurrë mos u dorëzo!" tha ai në mbyllje të intervistës duke ngritur grushtin lart.
