Një tjetër gjeneral rus, gjenerallejtënant Yakov Rezantsev, është vrarë në një sulm në afërsi të qytetit jugor Kherson, thotë ministria e mbrojtjes e Ukrainës, shkruan BBC, transmeton Bota sot. Rezantsev ishte komandanti i ushtrisë së kombinuar të 49-të të Rusisë.
Një zyrtar perëndimor thotë se ai është gjenerali i shtatë që vdes në Ukrainë dhe gjenerallejtënant i dytë - oficeri më i lartë i raportuar se është vrarë.
Mendohet se morali i ulët mes trupave ruse i ka detyruar oficerët e lartë të afrohen në vijën e frontit.
Mediat ukrainase raportojnë se gjenerali u vra në bazën ajrore Chornobaivka, të cilën Rusia e përdor si post komandimi dhe është sulmuar disa herë nga ushtria ukrainase.
