Sipas Zyrës së Prokurorit të Përgjithshëm të Ukrainës, trupat ruse thuhet se kanë përdorur municione thërrmuese në rajonet Kherson dhe Odessa.
Këtë e bën të ditur “Kyiv Independent” në Twitter. Iryna Venediktova, prokurore e përgjithshme e Ukrainës, tha se Ukraina ka prova se Rusia përdori bomba thërrmuese në ato rajone.
Sipas Amnesty International, gjuajtja ndaj civilëve me këtë lloj municioni mund të konsiderohet si krim lufte.
Informacioni i dhënë nga Zyra e Prokurorit të Përgjithshëm të Ukrainës nuk është verifikuar ende në mënyrë të pavarur./