Trupat ruse përdorën fshatarët në Ukrainën veriore si mburoja njerëzore në përpjekje për të mbrojtur veten nga një kundërsulm nga forcat ukrainase, i është thënë BBC.
Korrespondenti Jeremy Bowen ka vizituar komunitetet në veri të Kievit që deri vonë kanë qenë të pushtuara nga forcat ruse.
Fshatarët nga Obukhovychi, në jug të zonës së përjashtimit rreth vendit të fatkeqësisë bërthamore të Çernobilit, i thanë atij se natën e 14 marsit ushtarët rusë po humbnin burra dhe automjete të blinduara në një kundërsulm nga forcat ukrainase.
Trupat ruse më pas shkuan derë më derë për të grumbulluar rreth 150 persona nën kërcënimin e armëve dhe i mbajtën në një palestër të ftohtë të shkollës si mbrojtje për forcat ruse, thanë fshatarët.
Përdorimi i civilëve për të mbrojtur forcat e armatosura nga sulmet është kundër ligjit ndërkombëtar humanitar.
"Ata na morën nga bodrumet ku ishim fshehur dhe na detyruan të dilnim," tha Lydmila Sutkova, një nga shumë personat e intervistuar.
Një grua tjetër, Maryana, tha se vajza e saj po shfaqte ende shenja ankthi që nga nata në shkollë.
“Një vajzë dyvjeçare nuk duhet ta shohë këtë. Kisha frikë se do të na pushkatonin të gjithë në atë palestër. Kisha frikë për vajzën time, nuk kam fjalë”, tha ajo.
