LIVE: Rusia nis strategjinë e re për mbulimin e krimeve në Ukrainë, vazhdojnë sulmet vdekjeprurëse

Zyra e prokurorit në rajonin verilindor të Kharkivit thotë se të paktën 10 persona janë vrarë, përfshirë një foshnjë 7-muajshe, si rezultat i bombardimeve nga forcat ruse, raporton CNN, përcjell "Bota sot".

Zyra e Prokurorit të Përgjithshëm tha në Telegram se rreth orës 16:30. Sipas kohës lokale të premten, forcat ruse përdorën raketahedhës të shumtë kundër Qarkut Industrial të Kharkiv.

"Në granatimet u vranë dhjetë civilë, duke përfshirë një fëmijë 7 muajsh. 35 persona të tjerë u plagosën. Disa ndërtesa banimi u dëmtuan dhe u shkatërruan."

Më herët, Oleh Syniehubov, kreu i administratës ushtarake të rajonit të Kharkiv, kishte raportuar bombardime të zonave të banuara të Kharkiv. Ai tha se 34 persona u plagosën, duke përfshirë tre fëmijë, dhe shtatë persona u vranë.

Ka pasur një rritje të sulmeve në Kharkiv dhe qytetet ukrainase në Donbas në jug gjatë javëve të fundit pasi fokusi i rusëve zhvendoset në lindje të Ukrainës. Viktimat civile janë rritur mes sulmeve me raketa, artileri dhe raketa në disa qytete dhe mbi njerëzit që përpiqen të largohen nga rajoni.

Gruaja e një prej aleatëve kryesorë të Vladimir Putinit në Ukrainë ka akuzuar shërbimin ukrainas të sigurisë se e ka rrahur atë gjatë marrjes në pyetje, raporton Sky News, përcjell "Bota sot".

Në një konferencë shtypi në Moskë, gruaja e Viktor Medvedchuk, Oksana Marchenko tha se një nga dy fotot e publikuara nga Ukraina këtë javë tregonte se ai ishte rrahur.

Shërbimi i sigurisë i Ukrainës, SBU, tha të martën se kishte arrestuar z. Medvedchuk.

Një foto e tij në pranga u publikua në llogarinë e presidentit ukrainas në Telegram dhe një tjetër u postua nga SBU në Facebook.

Zonja Marchenko tha se një ishte marrë para se të merrej në pyetje dhe nuk kishte asnjë shenjë lëndimi, ndërsa një imazh i dytë i marrë gjatë marrjes në pyetje e tregonte atë me flokët e tij mbi ballë.

"Ajo tregon një mavijosje të madhe dhe shenja të cilat janë përpjekur t'i fshehin me flokët e tij," tha ajo.

“Nuk ka dyshim se ai është rrahur në orët e para pas arrestimit"./A.M.

Mesazhet, raportimet nga e gjithë Ukraina, vijnë në kohë reale:

Një civil i vdekur.

Trembëdhjetë viktima ushtarake.

Pesë civilë të plagosur.

Prokurorja e Përgjithshme Iryna Venediktova hedh një vështrim në celularin e saj. Shifrat e zymta dhe informacionet që vijnë janë vetëm fillimi; stafi i saj do t'i katalogojë, do t'i hetojë -- dhe do të përpiqet të sjellë para drejtësisë autorët rusë të krimeve të luftës.

Ky është qëllimi i saj: të bëjë Vladimir Putinin dhe forcat e tij të paguajnë për atë që kanë bërë. Ndërkohë që gjykatat në mbarë botën po punojnë për ta mbajtur Rusinë përgjegjëse, pjesa më e madhe e hetimit – dhe numri më i madh i ndjekjeve penale – ka të ngjarë të bëhet nga vetë Ukraina.

Lajmin e plotë lexojeni KËTU

Zyrtarë ukrainas raportuan për sulme ruse në rajonet Donteskt, Luhansk e Kharkiv në lindje të Ukrainës, mes paralajmërimeve për një ofensivë të madhe ruse në ditët e ardhshme.

Kreu i administratës ushtarake të Donteskut, Pavlo Kyrylenko, ka thënë se situata në rajon po tensionohet, teksa shtoi se granatimet dhe sulmet ajrore janë shtuar.

Tutje, ai tha se që nga dje, në veri të rajonit të Donteskut ka pasur përpjekje për përparim të forcave ruse, por sulmet janë zmbrapsur, shkruan CNN.

Ndërsa, kreu i administratës ushtarake të Kharkivit, Oleh Syniehubov tha se ka pasur granatime në zonat e banuara të Kharkivit.

Ai tha se janë vrarë shtatë persona, në mesin e tyre një foshnje 7-muajsh dhe u plagosën 34 njerëz, duke përfshirë tre fëmijë.

Kurse, në Luhansk, granatimet në qytetin Severodonetsk kanë dëmtuar sistemin e furnizimit me ujë dhe kanë shkatërruar dy depo ushqimore ka bërë të ditur Serhii Haidai, kreu i administratës ushtarake rajonale të Luhanskut.

“Rusët po godasin në mënyrë cinike infrastrukturën,” tha Haidai, duke shtuar se zjarri rus goditi qytetet Rubizhne, Kreminna si dhe Severodonetsk.

Në një deklaratë të veçantë, Haidai tha se vullnetarët që i sillnin ndihma humanitare popullatës lokale u vunë nën shënjestër në qytetin e Lysychansk, duke vrarë një burrë dhe duke plagosur gruan e tij.

Akuza të tjera po shfaqen për të evakuuar civilë të vrarë nga trupat ruse. Ombudspersoni i Ukrainës për të drejtat e njeriut, thotë se rusët hapën zjarr ndaj dy autobusëve që transportonin civilë në siguri nga lindja e vendit, ku luftimet po përshkallëzohen.

Disa njerëz u vranë dhe u plagosën gjatë udhëtimit nga qyteti i Starobilsk në rajonin e Luhansk për në qytetin e Dnipro, tha ombudsmeni Lyudmyla Denisova.

Denisova ka shkruar në Facebook se detajet e plota të asaj që ndodhi janë ende duke u përcaktuar.

Më herët, BBC ka raportuar pretendimet se të paktën shtatë persona u vranë dhe 27 u plagosën kur rusët qëlluan mbi autobusët që evakuonin civilët nga qyteti i Borova në rajonin e Kharkiv.

BBC nuk ka qenë në gjendje të verifikojë në mënyrë të pavarur këto pretendime.

Presidenti i Ukrainës, Volodymyr Zelensky i ka kërkuar homologut amerikan Joe Biden që ta vendosë Rusinë në listën e zezë të vendeve që sponsorizojnë terrorizmin.

Këtë masë Shtetet e Bashkuara nuk e morën ndaj saj as gjatë Luftës së Ftohtë.

Kërkesa u bë nga udhëheqësi ukrainas gjatë bisedës telefonike që dy liderët zhvilluan dy ditë më parë dhe Biden u përgjigj se do të shqyrtojë një sërë opsionesh për të rritur presionin ndaj Moskës.

Vendosja në listën e zezë do të rezultonte në sanksione të tjera, përfshirë kundër atyre vendeve që vazhdojnë të bëjnë biznes me Rusinë.

Një zyrtar i lartë amerikan i mbrojtjes tha se Uashingtoni beson se kryqëzori rus me raketa me vetëdrejtim, i cili u mbyt të enjten në veri të Detit të Zi, ishte goditur nga të paktën një raketë lëshuar nga një anije ukrainase, ashtu sikurse pretendon edhe Kievi.

Zyrtarët e Pentagonit kishin thënë më parë se nuk mund ta konfirmonin pretendimin e autoriteteve ukrainase, por ata gjithashtu nuk e hodhën poshtë atë. Zyrtari i lartë amerikan i mbrojtjes, i cili foli në kushte anonimiteti duke iu referuar informacioneve të zbulimit tha se luftanija "Moskva" u godit të mërkurën nga të paktën një ose ndoshta dy raketa "Neptun", gjë që shkaktoi edhe një zjarr të madh në bordin e saj.

Zyrtari amerikan nuk ofroi detaje të mëtejshme, por shtoi se Uashingtoni beson se disa marinarë ruse që ndodheshin në bordin e anijes, mund të jenë vrarë ose plagosur.

Lajmin e plotë lexojeni KËTU

Në qytezën ukrainase Buça, afër Kievit, ekspertët francezë të mjekësisë ligjore u janë bashkuar autoriteteve ukrainase në zhvarrosjen e trupave nga varrezat masive dhe identifikimin e tyre.

Policia ka njoftuar se 720 trupa janë gjetur afër kryeqytetit, ku forcat ruse janë zmbrapsur, dhe më shumë se 200 njerëz konsiderohen ende të zhdukur.

Disa trupa i kishin duart e lidhura pas shpinës, ndërsa të tjerë dukej të ishin qëlluar me armë zjarri nga afërsia.

Më shumë se 900 trupa civilësh janë zbuluar në rajonin përreth kryeqytetit ukrainas, pas tërheqjes së forcave ruse, tha policia e Kievit, të premten, gjë që tregon se njerëzit “u ekzekutuan, thjeshtë”.

Andriy Nebitov, kreu i forcave të policisë rajonale të Kievit, tha se trupat ishin të lënë në rrugë ose të varrosur përkohësisht.

Ai citoi të dhënat e policisë që tregojnë se 95 për qind e njerëzve vdiqën nga plagët me armë zjarri.

“Prandaj, ne e kuptojmë se nën okupimin (rus), njerëzit thjesht u ekzekutuan në rrugë”, tha Nebitov.

Çdo ditë po gjenden gjithnjë e më shumë trupa nën rrënoja dhe në varreza masive, shtoi ai.

“Numri më i madh i viktimave është gjetur në Buçë, ku ka mbi 350 trupa”, tha ai.

Ndërkohë, Ministria e Mbrojtjes e Rusisë ka njoftuar se do të shtojë sulmet me raketa në kryeqytetin ukrainas, si përgjigje ndaj agresionit të supozuar të Ukrainës në territorin rus, gjë që është një paralajmërim ogurzi pas humbjes së madhe të anijes kryesore ruse “Moska”, në Detin e Zi.

Rusia filloi pushtimin e Ukrainës më 24 shkurt. Deri më sot, sipas Kombeve të Bashkuara, në Ukrainë ka pasur 4.577 viktima civile, 1964 të vdekur dhe 2613 të plagosur./REL

Biznesmeni ruso-izraelit ka deklaruar se ministri rus i Mbrojtjes, Sergei Shoigu, po trajtohet në njësinë e kujdesit intensiv për shkak të një ataku kardiak që dyshohet se është shkaktuar nga shkaqe jo natyrale.

Leonid Nevzlin pretendon se Soigu ndodhet në terapi intensive dhe në fakt në gjendje shumë të rëndë.

Sipas tij, ai pësoi një atak në zemër që “nuk mund të ndodhte për arsye natyrore”, duke lënë të kuptohet se aleati i ngushtë i Putinit mund të ketë qenë viktimë e një atentati.

“Biznesmeni Leonid Nevzlin thotë se ministri i Mbrojtjes ruse, Shoigu, 66 vjeç, është në kujdes intensiv pasi pësoi ‘një sulm në zemër’ i cili nuk mund të ketë ndodhur për shkaqe natyrore”, shkruan Daily Mail, duke sugjeruar se aleati i vjetër i Putinit mund të ketë qenë subjekt i një atentati të urdhëruar nga shefi i tij.

Shoigu, i cili ka qenë krahu i djathtë i Putinit dhe udhëheqësi i ushtrisë ruse për një dekadë, ishte shtylla kryesore në javët e para të luftës në Ukrainë, por së fundmi u zhduk nga konferencat e rregullta të Kremlinit.

Kishte dyshime për tensione midis Putinit dhe ministrit të Mbrojtjes në fund të marsit, në lidhje me përparimin e ngadaltë në pushtimin e Ukrainës. Inteligjenca amerikane sugjeroi se dyshja u ndanë kur Putin mësoi mbi shkallën e humbjeve të forcave ruse në Ukrainë.