President i Serbisë Vuçiq ka pritur sonte në takim kreun e Komitetit për punë ndërkombëtare në Dumen shtetërore të Kuvendit Federal të Federatës Ruse, Leonid Slucki, ku ka konfirmuar vazhdimin e rrugës evropiane por edhe miqësisë me Rusinë, shkruan “B92” transmeton “Bota Sot”.
Vuçiq ka deklaruar se edhe gjatë mandatit të ri vëmendja kryesore do i kushtohet zhvillimit ekonomik të Serbisë dhe për këtë shkak është i përkushtuar për ruajtjen e paqes edhe stabilitetit në rajon dhe më gjerë. Për këtë arsye ka shprehur shpresën se konfliktit në Ukrainë të përfundoj dhe të mbretërojë paqe e përhershme.
Presidenti i Serbisë ka theksuar se Serbia do të vazhdoj rrugën evropiane, së bashku me ruajtjen e raporteve miqësore me Rusinë.
Në anën tjetër Slucki me këtë rast ka fol rreth asaj si e sheh Rusia konfliktin në Ukrainë.
Në takim është biseduar edhe për zhvillimin e mëtejmë të raporteve bilaterale ruso-serbe, përfshirë edhe sferën energjetike me pritjet që së shpejti të arrihet pajtimi për kushtet e sigurimit të gazit rus.