Ish-kryeministri italian Silvio Berlusconi është shtruar në terapi intensive në spital, por familjarët e tij janë shpresëplotë se situata nuk është serioze dhe se ai do “do t’ia dalë”, siç ka deklaruar i vëllai Paolo.
Ansa shkruan se Berluskoni doli nga spitali më 30 mars, për t’u rikthyer gjashtë ditë më pas me probleme me frymëmarrjen, oksigjenim i dobët i gjakut. Sipas mjekëve, ish-kryeministri italian nuk është i intubuar për momentin.
“Ai është në gjendje të qendrueshme, është një shkëmb. Gjendja e tij? Gjendja është e mirë,” u tha Paolo Berlusconi gazetarëve teksa po largohej nga spitali.
“Ai do t’ia dalë edhe kësaj radhe.”
Mungesa e oksigjenit ka vënë në vështirësi sistemet kardiovaskulare dhe të frymëmarrjes të cilat janë në rrezik për infeksione, përfshirë dhe rrezikun nga pneumonia që mund të komplikojë gjendjen e përgjithshme.
Por situata mbetet e stabilizuar dhe nuk e vë në rrezik për jetën ish-kryeministrin për momentin shkruan Ansa.
Presidenti i Forza Italia, i cili do të mbushë 87 vjeç shtatorin e vitit 2023, mbërriti në spitalin San Raffaele, i shoqëruar vetëm nga Marta Fascina, “thuajse pa frymë”.
Për këtë arsye ai u transferua menjëherë në reanimacion për “probleme kardiovaskulare”.
