LIVE: Ukrainasit detyrohen të tërhiqen, nga Rusia kërcënojnë me zhdukjen e këtij shteti – përmendet ‘lufta’ me NATO-n!

Ushtarët ukrainas janë detyruar të tërhiqen nga disa pjesë të Bakhmutit, sipas inteligjencës ushtarake britanike.

Ministria e Mbrojtjes e Mbretërisë së Bashkuar tha se Rusia ka ndërmarrë një sulm “të ringjallur”, duke bombarduar qytetin kyç me zjarr artilerie “intensive”.

Ai shpjegoi se forcat e armatosura tradicionale po bashkëpunojnë më mirë me grupin paraushtarak Wagner, këta të fundit janë prapa përparimeve në qendër të qytetit.

Forcat ajrore ruse kanë lehtësuar disa mercenarë të Wagner që sigurojnë krahët verior dhe jugor të operacionit.

“Forcat ukrainase përballen me probleme të rëndësishme të furnizimit, por kanë bërë tërheqje të rregullta nga pozicionet që janë detyruar të pranojnë,” tha Ministria e Mbrojtjes e Mbretërisë së Bashkuar në një deklaratë.

Por ata ende mbajnë rrethet perëndimore të qytetit, të cilat Volodymyr Zelenskyy i konsideron si një simbol të rëndësishëm për të ruajtur mbështetjen e brendshme dhe ndërkombëtare për rezistencën ukrainase. 

Ukraina do të testojë dhe përdorë çdo armë e cila nuk është e ndaluar nga ligjet ndërkombëtare, për të rimarrë territorin e Krimesë.

Lajmin e bëri të ditur Oleksiy Danilov, sekretari i Këshillit të Sigurisë Kombëtare dhe Mbrojtjes së Ukrainës, përmes një postimi në rrjetet sociale.

“Krimea është territori i Ukrainës dhe ne do të testojmë dhe përdorim atje çdo armë që nuk është e ndaluar nga ligjet ndërkombëtare, që do të ndihmojë në çlirimin e territoreve tona”, shkroi ai në Twitter.

Presidenti ukrainas, Volodymyr Zelensky ka thënë vazhdimisht se Ukraina planifikon të rimarrë Krimenë.

Krimea u aneksua nga Rusia në vitin 2014. Pas revoltës që detyroi presidentin pro-rus Viktor Janukoviç të largohej nga detyra, trupat ruse u vendosën në gadishullin e Krimesë.

Një ushtar rus është dënuar me 10 vjet burg, pasi akuzohet se ka vrarë një tjetër ushtarë rus në Ukrainë, duke besuar se ishte kundërshtar.

Sipas mediave të huaja, hetuesit besojnë se ushtari ka detyruar dy kolegë të tjetër të Gardës Kombëtare Ruse të zbresin nga makina me të cilën udhëtonin dhe ka qëlluar njërin prej tyre duke  vrarë atë.

Ndërsa, tjetrin, i cili ishte drejtues i automjetit, ka treguar dokumentin e tij të identitetit.

Më pas ai dyshohet se kishte vënë në shënjestër ushtarin tjetër, duke e urdhëruar të shtrihej në tokë dhe duke  kërcënuar se do e vriste.

Finlanda ka filluar ndërtimin e një seksioni të parë të gardhit në kufirin e saj me Rusinë, pas anëtarësimit në NATO.

Vendimi për ndërtimin e barrierës u mor nga qeveria finlandeze vitin e kaluar, nga frika e hakmarrjes për sigurinë kombëtare pas vendimit të shpallur për t’u bashkuar me Aleancën Atlantike.

Gardhi finlandez pritet të jetë i gjatë 200 km dhe pritet të përfundojë në vitin 2026. Materiali i gardhit do të jetë rrjetë çeliku.

Polonia dhe shtetet baltike kanë filluar tashmë ngritjen e gardheve në kufijtë e tyre me Rusinë dhe Bjellorusinë pas pushtimit të Ukrainës në shkurt të vitit 2022.

Të paktën 5 ukrainas kanë mbetur të vdekur dhe 15 të tjerë janë plagosur nga bombardimet ruse në Sloviansk.

Autoritetet ukrainase kanë akuzuar forcat ruse se kanë vënë në shënjestër qytetin lindor të Ukrainës Sloviansk duke përdorur raketa S-300, duke vrarë të paktën pesë persona dhe duke plagosur 15 të tjerë

Kreu i administratës ushtarake të qytetit Sloviansk , Vadym Liakh, tha se shtatë banorë të tjerë janë ende të zhdukur.

“Sulmi i sotëm në Sloviansk ishte një nga më masivët që nga fillimi i këtij viti”, tha Liakh.

Presidenti ukrainas Volodymyr Zelensky tha se sulmi është vetëm një shembull tjetër i brutalitetit të Rusisë gjatë pushtimit të saj.

“Shteti i keq demonstron edhe një herë thelbin e tij. Vetëm duke vrarë njerëz në mes të ditës. Duke shkatërruar, shkatërruar gjithë jetën. Do të ketë përgjegjësi të drejtë për çdo manifestim të terrorizmit. Ne nuk do të lëmë asnjë gjurmë të Rusisë në tokën tonë. Dhe nuk do të lëmë as një armik të pandëshkuar” ka shkruar Zelensky në Telegram.

Ministri i jashtëm rus, Sergei Lavrov, lëshoi akuza ndaj Perëndimit duke pretenduar se po tenton të krijojë një front të dytë konflikti në Gjeorgji dhe Moldavi përmes disa planeve të supozuara politike dhe ushtarake.

“Kombinimi i këtyre faktorëve nuk lejon askënd që të relaksohet. Ne mbajmë shënime dhe i përdorim ato në planet tona”, theksoi Lavrov gjatë një vizite në Uzbekistan.

Nga ana tjetër Dmitry Medvedev sulmoi ashpër kryeministrin polak Mateusz Moraëiecki duke thënë se Ukraina ka të drejtë të godasë Rusinë dhe të mos shqetësohet për një luftë të NATO-s me Rusinë, pasi kjo e fundit do të mposhtej shumë shpejt.

“Nuk e di se kush do të fitojë apo humbasë një luftë të tillë, por duke marrë në konsideratë rolin e Polonisë si një repart ushtarak i NATO-s në Europë, ky vend është i destinuar të zhduket, bashkë me kryeministrin e saj budalla. Një budalla i quajtur Mateusz Moraëiecki tha se Ukraina ka të drejtë të godasë Rusinë dhe se ai nuk shqetësohet për një luftë të NATO-s kundër Rusisë, sepse kjo e fundit do ta humbte shpejt. Nuk e di se kush do ta fitojë apo humbë një luftë të tillë, por duke marrë parasysh rolin e Polonisë snë Europë, ky vend është i destinuar të zhduket së bashku me kryeministrin e tij budalla”, shkruan zëvendëskryeministri në Twitter.

Qeveria polake thotë se pas dy vitesh, forcat e armatosura të vendit do të dyfishohen në madhësi, duke u bërë një nga ushtritë më të forta në Evropë. Ministri polak i mbrojtjes Mariusz Blaszczak ka zbuluar se vendi planifikon të dyfishojë numrin e ushtrisë së tij nga 150,000 në 300,000, tre herë më shumë se Britania, shkruan “The Telegraph”.

Megjithatë, një pengesë e madhe për planet e qeverisë mund të jenë zgjedhjet e përgjithshme të planifikuara për në vjeshtë, me Blaszczak që zbulon se administratës aktuale i duhen edhe dy vjet të tjera për të përfunduar misionin.

"Ne po kërkojmë një mandat për të qeverisur për një mandat tjetër, sepse atëherë mund të përfundojmë procesin që kemi filluar," tha Blaszczak, i cili është gjithashtu zëvendëskryeministër i vendit.

“Na duhen edhe dy vite të tjera dhe atëherë ushtria polake do të jetë më e forta në Evropë, ne jemi në rrugën e duhur për ta bërë këtë.”

Pushtimi rus i Ukrainës ka nxitur qeverinë polake, e cila ka porositur afërsisht 1500 tanke. Shumica e tyre do të vijnë nga Koreja e Jugut, ndërsa 250 M1A2 Abrams krejt të rinj do të vijnë nga Shtetet e Bashkuara dhe së bashku me 116 M1A1 Abrams të vjetër që ka Polonia, do të përdoren për të zëvendësuar përkohësisht tanket e dërguara për të ndihmuar Ukrainën. "Para së gjithash, ne duam të pengojmë çdo agresor”, shtoi Blaszczak.

“Detyra e tyre do të jetë të krijojnë një barrierë që nuk thyhet nga agresori”. Ndërkohë, kryeministri Mateusz Morawiecki ka qenë për vizitë në Shtetet e Bashkuara, ku theksoi edhe një here para amerikanëve se ata duhet të jenë të shqetësuar për konfliktin aktual në Evropë, sepse "sulmi i Rusisë ndaj Ukrainës është vetëm fillimi".

Rusia tha të enjten tha se nuk do ta zgjasë përtej 18 majit afatin e marrëveshjes së drithit të ndërmjetësuar nga OKB-ja, nëse Perëndimi nuk heq një sërë pengesash për eksportin e grurit dhe plehrave ruse.

Marrëveshja e eksportit të grurit të Ukrainës përmes Detit të Zi u ndërmjetësua nga Kombet e Bashkuara dhe Turqia në korrik të vitit të kaluar për të ndihmuar në zbutjen e një krize globale ushqimore të përkeqësuar nga konflikti, që ndërpret eksportet nga dy prej furnizuesve kryesorë të drithërave në botë.

“Nëse nuk ka përparim për zgjidhjen e pesë problemeve sistematike...nuk është e nevojshme të flitet për zgjatjen e mëtejshme të afatit të nismës së Detit të Zi pas 18 majit”, tha përmes një deklarate ministria e jashtme ruse.

“Ne vërejmë se pavarësisht nga deklaratat e forta për sigurinë globale të ushqimit dhe ndihmën për vendet në nevojë, Nisma e Detit të Zi shërbeu dhe vazhdon t'u shërbejë ekskluzivisht eksporteve tregtare të Kievit në interes të vendeve perëndimore”, tha ministria ruse.

Për të bindur Rusinë që të lejonte Ukrainën të rifillonte eksportet e grurit përmes Detin e Zi vitin e kaluar, Kombet e Bashkuara ranë dakord përmes një marrëveshjeje të veçantë trevjeçare në korrik, që të ndihmonin Moskën me eksportet e saj të ushqimit dhe plehrave.

Rusia tha se dy marrëveshjet ishin "pjesë të ndërlidhura të një ‘pakete’dhe kritikoi Sekretariatin e OKB-së për atë që e quajti një shtrembërim të fakteve.

Zëdhënësi i OKB-së, Stephane Dujarric, tha se "po vazhdojnë diskutimet dhe komunikimet me palët" dhe se zyrtarët e OKB-së ishin të vendosur të siguronin zbatimin e të dyja marrëveshjeve.

Ai tha në lidhje me eksportet e Rusisë se "ka ende shumë çështje kritike që duhen zgjidhur lidhur me pagesat dhe çështje të tjera teknike" që zyrtarët e OKB-së po përpiqeshin t'i zgjidhnin.

Por ai vuri në dukje se "ka pasur disa rezultate konkrete që kanë sjellë si rezultat shtimin e vëllimit të tregtisë së grurit, uljen e tarifave të mallrave dhe rritjen e numrit të anijeve në portet ruse që kërkojnë plehra kimike."

"Pra, kemi bërë një farë përparimi, por vazhdojmë të përpiqemi që të bëjmë më shumë," tha zoti Dujarric.

Për herë të parë Rusia është gati të prezantojnë projektin për regjistrimin elektronik ushtarak, në përpjekje për të shtuar forcat e saj ushtarake në Ukrainë dhe për t’i përndjekur ata që i shmangen regjistrimit.

Më poshtë i gjeni disa fakte thelbësore për procedurat e regjistrimit të ushtarëve në Rusi, çfarë planifikohet të ndryshohet dhe pse.

Si regjistrohen rusët në ushtri?

Shërbimi njëvjeçar në ushtrinë ruse është i detyrueshëm për të gjithë meshkujt nga mosha 18 deri në 27 vjeç. Ekzistojnë dy periudha vjetore të rekrutimit: në pranverë dhe vjeshtë. Mund të shpallen, gjithashtu, mobilizime të njëpasnjëshme - si ai i shpallur vitin e kaluar që rekrutoi mbi 300.000 burra për të luftuar në Ukrainë - duke synuar burra në një gamë shumë më të gjerë moshe.

Lajmin e plotë lexojeni KETU

Ushtria ukrainase tha se forcat e saj kanë zmbrapsur 49 sulme të forcave pushtuese ruse gjatë ditës së kaluar, përderisa luftimet intensive po vazhdojnë në dhe përreth qytetit të rrethuar të Bahmutit.

“Armiku nuk po heq dorë nga planet e tij për të pushtuar territorin tonë pavarësisht humbjeve të mëdha”, tha Shtabi i Përgjithshëm i forcave ukrainase më 14 prill. “Luftimet më të ashpra po vazhdojnë për Bahmutin dhe Marjinkën”, shtoi ushtria.

Më 13 prill, Moska pretendoi se ka ndërprerë të gjitha daljet për trupat ukrainase në Bahmut, por kreu i gripit të mercenarëve, Wagner, Yevgeny Prigozhin, tha se ende është “shumë herët” të thuhet se qyteti është rrethuar.

Serhiy Cherevaty, zëdhënës i grupit të forcave lindore të Ukrainës, i tha agjencisë AFP se ushtria ukrainase ende ka komunikim me trupat e saj në Bahmut dhe ende ka mundësi që t’i furnizojë ata me municion.

“Kjo nuk përkon me realitetin”, tha Cherevaty duke iu përgjigjur pretendimeve ruse.

Presidenti rus, Vladimir Putin, që po përballet me një urdhëarrestim nga Gjykata Penale Ndërkombëtare, ka urdhëruar ushtrinë e tij që të marrë kontrollin e plotë të Donjeckut, Luhanskut, Zaporizhjës dhe Hersonit, zona që Rusia pretendon se ka aneksuar paligjshëm. Ukraina ka sinjalizuar se shumë shpejt do të nisë një kundërofensivë për të rimarrë më shumë territor të humbur.

Ministri i Jashtëm ukrainas, Dmytro Kuleba, të enjten tha se Ukraina nuk heq dorë nga kërkesa që Rusia të tërheqë trupat nga këto katër zona, por edhe nga Krimeja, që Moska ka aneksuar paligjshëm më 2014.

“Ne jemi të bashkuar në bazë të parimeve të Kartës së Kombeve të Bashkuara dhe mendojnë se Krimeja është Ukrianë dhe duhet të kthehet nën kontrollin e Ukrainës”, tha Kuleba gjatë një fjalimi përmes video-lidhjes në Konferencën e Sigurisë, që u mbajt në Bukuresht të Rumanisë.