Një argjendari luksoze Bvlgari në sheshin Vandom në Paris është plaçkitur, kurse dëmet shkojnë në mbi një milion euro.
Tre plaçkitës të armatosur në dy motoçikleta, u shfaqen para lokalit rreth orës 13:45.
Dy prej bartnin armë të gjata dhe gjatë plaçkitjes goditën punonjësin e sigurimit. E sipas hetuesve, dëmet e shkaktuar janë mbi një milion euro.
Në videon e publikuar në rrjetet sociale, shihen dy motoçikleta të zeza të parkuara në trotuar para argjendarisë.
Njëri burri i veshur në të zeza dhe helmetë në kokë, i armatosur bën roje. E kalimtarët e rastit iknin në anën tjetër të rrugës kur panë burrin e armatosur duke qëndruar para lokalit në qendër të Parisit.
Pas plaçkitjes treshja u larguan me shpejtësi me motoçikleta. Ndërsa është interesant se i njëjti lokal ishte objektiv i një plaçkitje tjetër në vitin 2021, ku dëmet ishin vlerësuar në rreth 10 milionë euro.
Derisa po largoheshin policia arriti të plagosë në këmbë, njërin nga tre plaçkitësit i cili më pas përfundoi në pranga. Dy tjerët janë arrestuar pas fillimit të hetimeve.
