Pak më shumë se një duzinë burra, kryesisht të rinj dhe të moshës së mesme, duke u përleshur në rrugën Jakusevecka, disa prej tyre duke përdorur mjete të forta, shqetësojnë banorët e Dugavës në Novi Zagreb.
Një pjesë e pjesëmarrësve në përleshje kanë përfunduar në spital për mjekim të plagëve të marra, e shumica në stacionin policor, raporton jutarnjilist.
Video të ndryshme të një sherri, një grup burrash që vërshojnë nëpër lagje, objekte fluturuese që i hedhin njëri-tjetrit, por edhe kokën e thyer të njërit prej tyre, të cilin banorët e Dugavës e ndihmojnë për të ndalur gjakderdhjen dhe presin për ardhjen e policisë, vërshuan rrjetet sociale.
Policia kroate thotë se kanë marrë një denoncim dhe me të mbërritur në vendngjarje kanë gjetur disa shtetas të huaj, aplikues për mbrojtje ndërkombëtare në Kroaci, të cilët janë përleshur me njëri-tjetrin.
Përveç të bërtiturave dhe sharjeve, ata kanë përdorur rrasa druri dhe gurë, kështu që tre azilkërkuesit kanë përfunduar në KBC Rebro, ku janë konstatuar lëndime të lehta.
Konflikti ndodhi pranë kantierit të shkollës fillore dhe në afërsi të hotelit Porin, i cili prej shumë vitesh pret kërkues të mbrojtjes ndërkombëtare.
