Ende shpresoni të shkoni në Evropë këtë verë, por po pyesni veten nëse ka një mënyrë për të bërë pushime atje gjatë këtij sezoni rekord, pa e shpenzuar plotësisht buxhetin tuaj?
Me aeroplanët e plotë që përshkojnë Oqeanin Atlantik dhe hotelet që nuk kanë probleme të mbushin dhomat nëpër pikat e nxehta turistike, do t'iu duhet të veproni me zgjuarsi.
Nëse ende nuk keni rezervuar biletat tuaja, përgatituni që në fillim për shqetësime.
"Çmimet e fluturimeve të minutës së fundit, veçanërisht ato ndërkombëtare, janë të shtrenjta," thotë Katy Nastro nga Going.com (ish Scott's Cheap Flights) për biletat e fluturimeve nga Amerika e Veriut në Evropë.
"Megjithatë, nëse synoni t’i rezervoni gjatë dy javëve të fundit të gushtit, do e shihni se janë dukshëm më të lira se në korrik."
Ndërsa vera përfundon dhe shkollat fillojnë të hapen, Nastro thotë se kërkesa e reduktuar për udhëtime mund të sjellë me vete çmime më të lira.
Edhe nëse nuk mund të kurseni shumë në pjesën e pushimeve verore evropiane për të shkuar atje, ka disa mënyra të tjera për të konsideruar uljen e kostove pasi të jeni në terren.
“CNN Travel”, foli me agjentë udhëtimesh, ekspertë dhe udhëtarë ekspertë gjithashtu, për këshillat e tyre mbi kursimin e parave në udhëtimet evropiane këtë verë të paprecedentë.
“Ndërsa tarifat e hoteleve dhe biletat e avionit rriten edhe më shumë këtë verë, lundrimi vazhdon të jetë një opsion pushimesh me vlerë të lartë – dhe një mënyrë fantastike për të eksploruar Evropën në një mënyrë më ekonomike sesa nëse do të udhëtonit me rrugë tokësore”, tha Colleen McDaniel, kryeredaktor i “Cruise Critic”.
Veçanërisht nëse jeni duke kërkuar të përfitoni sa më shumë nga bileta ajrore që keni paguar për të shkuar në Evropë dhe për të vizituar më shumë se një destinacion pa pasur nevojë të hipni në një aeroplan tjetër, thotë ajo, lundrimi mund të korrë kursime serioze mbi atë që do të paguanit për një pushim të ngjashëm që lidh vendet me rrugë tokësore.
