Arrestohen trafikantë të fëmijëve në Serbi: I detyronin të kërkonin lëmoshë, vet jetonin në luks
Trafikantë të fëmijëve u arrestuan në Serbi pasi policia, në bashkëpunim me Europol, ekspozoi dhe shkatërroi rrjetin e tyre kriminal që shtrihej në disa vende të Bashkimit Evropian.
Rrjeti kriminal i familjes dyshohet për trafikim njerëzish duke i detyruar të martohet, kërkim të lëmoshës dhe krim të detyruar.
Në hetim janë përfshirë edhe autoritetet e Austrisë, Francës dhe Gjermanisë. Aksioni rezultoi me katër bastisje shtëpish në Serbi dhe arrestimin e pesë shtetasve serbë, përfshirë edhe kreun e grupit kriminal.
Tetë viktima u shpëtuan, gjashtë prej të cilëve ishin të mitur nga mosha pesë deri në tetë dhe dy vajza 17-vjeçare.
Janë sekuestruar sasi të mëdha parash dhe pajisje digjitale, duke përfshirë më shumë se gjashtë telefona celularë dhe dokumente financiare. Reklama
Të arrestuarit dyshohet se kanë trafikuar edhe fëmijët e tyre biologjikë si dhe fëmijë të tjerë me të cilët kanë lidhje.
Shumica e viktimave janë të kombësisë serbe, përveç një gruaje ukrainase, e cila u detyrua të lyp nga anëtarët e grupit kriminal.
Të dyshuarit kanë pastruar para duke blerë mallra luksi dhe duke mbajtur një standard të lartë jetese. Viktimat e mitura janë marrë nga shërbimet serbe për mbrojtjen e fëmijëve.
