Një grevë e transportit ajror është thirrur për 9 shkurt në Itali nga stafi tokësor i aeroporteve. Për pasojë priten fluturime të shtyra dhe të anuluara.
Sipas Avionews, greva ka filluar nga mesnata dhe do të zgjasë deri në orën 23:59, raporton SchengenVisaInfo.com.
Punonjësit kërkojnë përmirësimin e kushteve të kontratës, duke marrë gjithashtu parasysh pagë më të lartë mujore, një bonus një herë prej 500,000 €, njohjen e vjetërsisë në punë, një stimul produktiviteti, mirëmbajtjen e marrëveshjeve të sigurimeve shoqërore, si dhe përfitime të tjera si kuponat e ushqimit.
Për shkak të grevës, "Italy Airways" njoftoi anulimin e 48 fluturimeve të brendshme duke mbajtur të rregullta të gjitha fluturimet ndërkontinentale.
Përveç kësaj, do të vazhdojnë edhe fluturimet çarter të autorizuara nëpër ishuj, si dhe fluturimet ushtarake, emergjente, humanitare, mjekësore dhe të shpëtimit.
Gjithashtu është konfirmuar se fluturimet që lidhen me ishujt italianë me vetëm një frekuencë ditore do të kryhen, duke përjashtuar trafikun kontinental.
