“Putini është tradhtar, po vret edhe fëmijët ukrainas, duhet të ngrihemi kundër tij”, e moshuara ruse shprehet e revoltuar pas vdekjes së Navalnyt

Një grua e moshuar ruse u shpreh e revoltuar ndaj presidentit rus Vladimir Putin pas vdekjes së Alexey Navalnyt, lajmi që tronditi botën.

Siç raportohet, 82-vjeçarja ishte në mesin e shumë qytetarëve rusë që dolën për të demonstruar dhe për të shprehur revoltën pas vdekjes së Navalnyt.

“Putini është tradhtar i Rusisë. Qindra mijëra ushtarë tanë janë të vdekur. Ai po vret edhe fëmijët ukrainas”, thoshte gruaja.

“Ne duhet të ngrihemi kundër tij. Jemi 140 milionë banorë. Nuk kam frikë, jam shumë e moshuar për të pasur frikë”.

Ndryshe, autoritetet ruse sot njoftuan vdekjen e kritikut të Kremlinit në koloninë penale ku po mbahej i burgosur.

“Putin is a traitor to Russia

Hundreds of thousands of our soldiers are dead. He’s killing Ukrainian children too.

We need to rise up against him. There’s 140 mln of us. I’m not afraid. I’m too old for that.”

82-y-o Russian woman after Navalny’s murder pic.twitter.com/2TR7BcoZGn

— Visegrád 24 (@visegrad24) February 16, 2024

Reagime të shumta ka pasur nga vendet perëndimore, përfshirë SHBA-në duke fajësuar Putinin për vdekjen e Navalnyt.