Presidenti i Turqisë, Recep Tayyip Erdogan dhe homologu i tij rus Vladimir Putin kanë diskutuar të martën për sulmin me armë kimike në Idlib, i cili është nën kontrollin e kryengritësve sirianë, njoftuan të martën burime të afërta me presidentin turk.
Në sulm, për të cilin Reuters pohon se e kanë kryer aeroplanët e qeverisë siriane, kanë humbur jetën 58 vetë, përfshirë 11 fëmijë më të rinj se tetë vjeç, kanë bërë të ditur punonjës shëndetësorë dhe vëzhgues.