(E plotësuar) - “Ka ardhur koha të themi mjaft më”. Kështu tha kryeministrja britanike Theresa May, ndërsa dënoi sulmin terrorist mbi civilë të pafajshëm dhe të paarmatosur, që i mori jetën 7 personave dhe plagosi 48 të tjerë në Londër.
Një furgon i bardhë u përplas mbi kalimtarët në urën e Londrës, rreth orës 22.00 të së shtunës, e më pas tre persona dolën prej tij dhe qëlluan me thika njerëzit në tregun Borou, aty pranë. Tre autorët, me bomba të rreme në trup, u qëlluan për vdekje nga policia. May tha se strategjia britanike e antiterrorizmit do të rishikohej.
“Ne nuk mund dhe nuk duhet të pretendojmë se gjërat mund të vazhdojnë në këtë mënyrë. Ne besojmë se po përjetojmë një kthesë të re në kërcënimin me të cilin përballemi, ndërsa terrorizmi ushqen terrorizmin. Por, ka ardhur koha të themi mjaft”, tha May.
Duke folur në Downing Street, pas një takimi të Komitetit Qeveritar të Emergjencave, Cobra, ajo premtoi se do të përshkallëzoheshin përpjekjet për luftimin e ideologjisë islamike dhe se do të punohej me vendet e tjera për të parandaluar kthimin e internetit në një hapësirë të sigurtë për terroristët. Por, sipas saj, dhuna nuk duhet lejuar të pengojë procesin demokratik.
“Fushata elektorale do të rifillojë të hënën dhe zgjedhjet, ashtu siç është paralajmëruar, do të mbahen të enjten. Si vend, përgjigjia jonë duhet të jetë ajo që ka qenë gjithnjë në raste të tilla, duhet të bashkohemi dhe të mundim armiqtë tanë”, deklaroi May.
Ky është sulmi i tretë terrorist në Britaninë e Madhe në tre muaj, pas sulmit me makinë dhe thika në Uestminster në mars, me pesë viktima dhe shpërthimit kamikaz në Mançester, dy javë më parë, kur humbën jetën 22 vetë.
Niveli i kërcënimit terrorist në vend mbetet i ashpër, çka do të thotë që sulme të tjera janë të mundshme, por nuk është ngritur në kritik, siç ishte pas sulmit në “Manchester Arena”.
Arrestohen 12 persona
Dymbëdhjetë persona janë arrestuar nga policia e armatosur rëndë, e cila e ka bastisur një bllok banesash në Barking, pas sulmit terrorist mbrëmë në Urën e Londrës.
Policia e ka bllokuar bllokun e banesave sot pak pas orës 7 të mëngjesit, para se t’i nxirrnin në rrugë 12 burra th prangosur.
Dëshmitarët e rastit kanë thënë se një person kishte tentuar të ikte dhe u qëllua me armë, i cili më pas ishte futur në një ambulancë nga policia. Dëshmitarët po ashtu kanë rrëfyer për të shtëna me armë dhe shpërthime.
Sky News raporton se njëri nga sulmuesit e vrarë mbrëmë gjatë sulmit, besohet se kishte jetuar në një banesë përdhes në këtë bllok.
Në sulmin e mbrëmshëm u vranë shtatë persona dhe u plagosen 48 të tjerë. Ndërkohë, policia vrau tre sulmuesit e përfshirë në sulm.
Ky ishte sulmi i tretë që tronditi Britaninë brenda tre muajve të fundit, pas atij në Westminster dhe në Manchester Area.
Pesë vetë janë arrestuar pasi policia e armatosur rëndë bastisi një bllok banesash në Barking pas sulmit terrorist tek Ura e Londrës.
Disa njerëz u fotografuan duke u prangosur në dysheme jashtë ndërtesës pas orës 7, shkruan Daily Mail, përcjell Bota sot.
Dëshmitarët thanë se një njeri u përpoq të ikte dhe u qëllua përpara se të vinte në një ambulancë, ndërsa të tjerë raportuan se dëgjuan armë zjarri dhe shpërthime.
Ndërkohë, Skuadrat mjeko-ligjore kanë mbërritur në Urën e Londrës për të pastruar zonën për të dhënat e nevojshme për hetimin e ngjarjes.
Publikohet foto e njërit prej sulmuesve në Londër
Mediat britanike kanë publikuar foton e njërit prejt sulmuesve në Londër, të cilët kanë vranë 7 persona dhe lanë mbi 48 mbetën të plagosur.
Fotoja që shfaq sulmuesin të shtrirë përtoke në momentin kur ishte qëlluar nga policia, është kapur nga Gabrile Sciotto, përcjell Bota sot.
Pamjen e ka publikuar Sky News.
Rritet numri i viktimave nga terrori në Londër?
Autoritetet britanike thonë se shtatë vetë janë vrarë dhe dhjetëra të tjerë janë plagosur pasi sulmuesit me një furgon kaluan në shtegun e këmbësorëve në Urën e Londrës (London Bridge), dhe pastaj i therën personat e pranishëm në një restorant.
Këtë sulm autoritetet e kanë trajtuar si terrorizëm.
Tre sulmues janë vrarë nga policia në vendin e afërt Borough Market, afro tetë minuta pas fillimit të incidentit të rëndë, mbrëmë në orën 23, kanë njoftuar autoritetet.
Shërbimi ambulantor i Londrës ka njoftuar sot se 48 persona të plagosur janë dërguar në spitalet në gjithë qytetin pas sulmit, derisa disa të tjerëve u është dhënë ndihmë mjekësore në vendin e sulmit për lëndime të vogla.
Kryetari i qytetit të Londrës, Sadiq Khan, tha se disa prej të plagosurve janë në gjendje “kritike” shëndetësore.
Mark Rowley, nga policia anti-terroriste e Londrës, më herët tha se besohet se ishin vetëm tre sulmues, por hetimet po vazhdojnë për këtë akt “terrorist”.
Asnjë grup nuk e ka marrë përgjegjësinë për këtë sulm terrorist, që është i treti prej 22 marsit, kur ndodhi një sulm i ngjashëm afër Parlamentit në Urën Westminster, dhe sulmit vetëvrasës me bombë në koncertin muzikor në Mançester më 22 maj.
Sulmi në Londër: Një person në gjendje kome pasi u pre në fytyrë
Një burrë 32-vjeçar ka rënë në koma pasi është prerë në fytyrë në sulmin terrorist në Londër, ku e plagosur mbeti edhe e dashura e tij, shkruan The Sun.
Oliver Dowling dhe e dashura e tij Marie Bondeville po trajtohen në spital pas sulmit që la shtatë të vdekur dhe 48 të plagosur.
Motra e tij zbuloi se Oliver, nga Zelanda e Re, u godit me thikë në fytyrë, qafë dhe stomak.
Të paktën shtatë vetë kanë vdekur dhe se paku 48 kanë mbetur të plagosur pas sulmit të shtunën tek Ura e Londrës.
***
Katër qytetarë francezë ishin në mesin e atyre që u plagosën në sulmin tek Ura e Londrës, duke përfshirë edhe një seriozisht, tha Ministri i Jashtëm i vendit Jean-Yves Le Drian për stacionin e radios FranceInfo, shkruan BBC.
Deri më tani, raportohet për shtatë të vdekur dhe rreth 48 të plagosur.
***
Kryeqyteti britanik, Londra, është goditur mbrëmë nga tri sulme të njëpasnjëshme, të cilat autoritetet po i konsiderojnë si terroriste.
Policia ka konfirmuar se të paktën 6 persona kanë vdekur dhe mbi 48 të tjerë janë lënduar, derisa tre xhihadistët me “pamje mesdhetare”, janë vrarë, përcjell Bota sot.
Rrjeti NBC ka publikuar pamjet e tmerrit, brenda një lokali pranë Urës së Londrës, ku shihen qytetarët e tmerruar. Policia u kërkon atyre të ulen përtokë dhe të mbrohen.
Ka shkuar në 48 numri i të plagosurve nga sulmet që tronditën mbrëmë Londrën.
Policia ka vrarë tre xhihadistët, të cilët morën jetëm e gjashtë personave në sulme të ndara brenda tetë minutash.
Dëshmitari okular i sulmit në Londër: Isha ballë për ballë me sulmuesin
Brendan (dëshmitari okular i sulmit në Londër) ishte duke darkuar me të dashurën e tij në restorantin e Brothers Brothers në Borough Market. Ai i tha BBC-së se ishte ballë për ballë me një nga sulmuesit përmes derës së mbyllur të restorantit, shkruan BBC.
“Ishim duke ngrënë në restorant. Papritmas ka pasur shumë trazirë. Brenda pak sekondash ishte e qartë se po ndodhte diçka e madhe. E kapa të dashurën time dhe u fsheha prapa barit në restorant. Ne mund të dëgjonim të shtëna dhe shpërthime.
Me të tjerët u zhvendosëm në bodrum, i cili kishte një derë që mund të mbyllei nga brenda.Një zonjë filloi të futet në bodrum dhe gjuha e saj po fryhej, por nuk lejohej asnjë ambulancë. Unë shkova lart për të parë se çfarë po ndodhte.
Kishte njerëz që dilnin nga shufra nëpër rrugë. Pastaj një djalë vrapoi nëpër rrugë deri tek unë me një thikë masive. Ai më shikonte duke kuptuar se nuk po hynte. Ai u largua, ose më parë u ktheva në katin e poshtëm, nuk mbaj mend.
Papritmas tre policë me armë thanë se duhej të largohemi. Ata na dhanë një drejtim. Do të vëreni 15 metra dhe pastaj do të shihni policin tjetër që do t’ju tregojë se ku të shkoni. Njerëzit konkurronin për jetën e tyre.
Ata bënë një punë të shkëlqyeshme, por u shqetësuan dukshëm”.
Zbulohet një detaj i ri për xhihadistët që tmerruan Londrën
Tre xhihadistë u qëlluan për vdekje nga policia e armatosur pas vrasjes së gjashtë personave dhe plagosjen e 48 të tjerëve gjatë një sulmi të tmerrshëm me furgon dhe një sulmi me thikë në Londër, mbrëmë.
Burrat, të përshkruar si 'me origjinë mesdhetare', bërtitën 'Kjo është për Allahun', pasi ata theren me thikë qytetarët të shtunën në mbrëmje në Londër.
Një nga terroristët e vdekur kishte veshur një fanellë të klubit anglez, Arsenal, raporton Daily Mail, përcjell Bota sot.
Oficerët e armatosur u përballën dhe qëlluan të dyshuarit brenda tetë minutash.
Një nga të plagosurit është oficer i Policisë Britanike të Transportit, i cili u godit me thikë pas reagimit ndaj incidentit.
Gjendja e tij është serioze, por jo e rrezikshme për jetën.
Komisari i Policisë Metropolitane Mark Rowley ka thënë se të dyshuarit kishin veshur xhaketa që dukeshin si shpërthyese, por më vonë u kuptua se bëhej fjalë për mashtrim.
Tragjedia vjen vetëm 12 ditë pas sulmit terrorist të Mançesterit dhe 10 javë pas mizorisë së Westminsterit./BS
***
Gjashtë persona mbetën të vrarë në një sulm terrorist në qendër të Londrës mbrëmjen e së shtunës (3 qershor 2017), ku tre sulmues u vranë nga policia.
Një furgon duke ecur me shpejtësi godet këmbësorët në Urën e Londrës të shtunën në mbrëmje dhe sipas dëshmitarëve, më pas personat në makinë kryen sulme me thika në lokalet aty pranë, në lagjen “Borough Market”.
Autoritetet britanike thonë se sulmi ishte një akt terrorist.
Dëshmitarët përshkruajnë një skenë të rëndë në Urën e Londrës, ku furgoni me shpejtësi doli nga rruga dhe hyn në trotuaret e këmbësorëve, duke lënë pas skena gjaku.
Më pas, personat në furgon kryen sulme me thika në lokalet në lagjen “Borough Market”.
Sipas autoriteteve 6 vetë humbën jetën dhe rreth 48 të tjerë kanë mbetur të plagosur dhe po marrin mjekim në pesë spitale.
Policia njofton se ka vrarë tre të dyshuarit për sulmet.Më shumë se 80 mjekë u dërguan në vendngjarje për t’i ndihmuar të lënduarit.
Një nga të plagosurit është një oficer i Policisë Britanike të Transportit, i cili u godit me thikë pas reagimit ndaj incidentit. Gjendja e tij është serioze, por jo e rrezikshme për jetën.
Sulmet shkaktuan panik në zemër të Londrës në një mbrëmje të bukur qershori.
Shumë njerëz ishin dëshmitarë të asaj që ndodhi.
Në lokalet në lagjen “Borough Market” dëshmitarët tregojnë se klientët i qëllua me karrige dhe shishe personat që hynë brenda duke tundur thika gjuetie 25 cm të gjata.
Policia njoftoi se autorët e sulmit mbanin të veshur jelekë-bombë por që rezultuan të ishin fallco.
Kryetari i Bashkisë së Londrës Sadiq Khan, i dënoi sulmet duke thënë se “ndonëse nuk dihen të gjitha hollësitë, ky ishte një akt i qëllimshëm dhe prej frikacakësh ndaj banorëve të pafajshëm dhe turistëve në Londër”.
“Unë i dënoj me fjalët më të rënda të mundshme. Nuk mund të ketë asnjë lloj justifikimi për akte të tilla barbare”, tha zoti Khan.
Në Shtetet e Bashkuara, zyrtarët thanë se janë në kontakt të vazhdueshëm me autoritetet britanike për ndjekjen e situatës.
Presidenti Donald Trump, është njoftuar për incidentet nga ekipi i këshilltarëve të sigurisë.
“Çfarëdo që Shtetet e Bashkuara mund të bëjnë për të ndihmuar në Londër dhe Mbretërinë e Bashkuara, do të jemi aty. Ne jemi me ju. Zoti ju bekoftë” shkroi ai në rrjetin twitter.
Incidenti i të shtunës ndodh në më pak se një javë pas sulmit vetë-vrasës terrorist në Mançester, ku humbën 23 persona gjatë një koncerti të këngëtares amerikane Ariana Grande.
Sulm i tmerrshëm
Xhihadistët duke thirrur kjo është për Allahun, kanë vrarë me thika 6 persona nga sulme të ndryshme në dy vende në Londër, shkruan DailyMail. Gjashtë persona kanë vdekur, pasi tre burra me thika gjuetie thuhet se kanë therur deri në 20 persona me një furgon të bardhë tek Ura e Londrës.
Burrat të përshkruar se me prejardhje mesdhetare, thuhet se kanë kërcyer nga furgoni duke goditur njerëzit në qendër të Londrës, në orën 10.00 në mbrëmje.BS
Shoferi hero, u përpoq të rrëzonte sulmuesit
Shoferi i një taksi zbuloj se ai u përpoq të rrëzonte tre burra të armatosur me thika, të cilët vrapuan drejtë një turme me rrëmbim, mbi 20 persona me një furgon të bardhë.
Dëshmitarët raportuan se dëgjonin armë zjarri, mes raportimeve se më së paku shtatë persona janë therur, duke tronditur kështu qendrën e Londrës. Një nga viktimat thuhet se është një oficier policie./BS
Ja cka ka ndodhur deri më tani në Londër
Këtu është një radhitje e asaj që dihet deri më tani për sulmet në Londër:
-Policia ka konfirmuar se ka më shumë se një fatalitet.
-Raportet sugjerojnë se ka ndodhur më shumë se një incident.
-Së pari, një furgon i bardhë goditi këmbësorët në Urën e Londrës rreth orës 22:15
-Pak kohë më vonë, u raportua se tre persona kanë qëlluar me thika disa të tjerë në marketin Borough.
-Një incident i tretë është duke u zhvilluar në Vauxhall, Scotland Yard thonë raportet e mediave angleze.
Arrestohet i dyshuari i parë
Policia ka arrestuar të dyshuarin e parë në lidhje me njërin nga sulmet që kanë goditur sonte Londrën.
Një i vdekur deri më tani
Pas sulmit që ka ndodhur te Ura e Londrës ku janë sulmuar nga një furgon disa këmbësorë, tash është regjistruar viktima e parë.
Por që besohet sipas policisë britanike se nuk është vetëm një person që ka përfunduar me fatalitet.
Në Londër pas mesnate janë regjistruar tre incidente, ku dyshohet se mund të jenë sulme terroriste.
Shënohet sulmi i tretë
Brenda pak minutave në kryeqytetin brinatik janë regjistruar tre incidente të njëpasnjëshme.
Policia britanike tash thuhet se i janë përgjigjur incidentit të tretëm që ka ndodhur në Vauxhall në jug të Londrës.
Incidentet e mëparshme janë regjistruar te Ura e Londrës, ku një furgon kishte goditur këmbësorët e tjetri ku ishin dëgjuar të shtëna armësh.
Dëshmitarja okulare, ka pasur të shtëna me armë. Në vendngjarje 30-40 ambulanca
Një dëshmitare okulare, Samantha Wilde, ka folur për BBC-së duke thënë se ka pare diku tek 30 -40 ambulancave në vendngjarje dhe policisë së armatosur.
Më parë, pati njoftime dhe për të shtëna me armë.
Sulm i dytë në Londër
Policia britanike ka njoftuar se është duke u përballur edhe me një tjetër incident në Londër, pas atij në Urën e Londrës ku një furgon hyri në mesin e këmbësorëve.
Ky incident, siç raporton The Telegraph, ka ndodhur vetëm një kilometër larg Urës së Londrës në një market. Mirëpo, policia nuk ka dhënë detaje ende mbi incidentin.
Ndërsa, CNN ka raportuar se ka pasur të shtëna me armë në këtë market.
Në incidentin e parë, pas sulmit me furgon, tre persona kanë dalur nga furgoni dhe kanë nisur të sulmojnë me thika njerëzit në Urën e Londrës.
***
Një minibus i bardhë thuhet se ka lënë të lënduar mbi 20 njerëz në një "sulm terrorist" të dyshuar në stacionin e Urës së Londrës.
Një dëshmitar tha se kishte parë tre persona, të përshkruar si "me origjinë mesdhetare", të cilët nga furgoni filluan 'rastësisht plagosjen e njerëzve' me thika të gjata.
Ai ka thënë se ka parë edhe njerëz të prerë në fyt pas incidentit që ndodhi aty.
Makina, besohet të jetë një automjet B & Q. Shoferët nuk janë kapur.
Pamjet e tmerrshme nga vendi i ngjarjes tregojnë policët teksa dëgjohen duke bërtitur 'Pastroni skenën tani!' derisa këmbësorët në panik ikin.
Ura është mbyllur në të dy drejtimet, ndërsa policia ka nisur hetimet për rastin, madje po kërkon edhe në ujë për viktima të mundshme./BS
