Kanë mjaftuar 8 minuta që kryeqyteti i Britanisë të tmerrohet.
Kaq i është dashur një komande të koordinuar terroristësh për të kthyer alarmin dhe panikun në Londër, të cilët fillimisht kanë marrë një autobus duke marrë përpara kalimtarët në London Bridge, e më pas u raportua për njerëz të sulmuar e të therur me thikë në marketin “Borough”. Ndërsa sulmi i tretë ndodhi në Vauxhall, raporton Daily Mail.
Deri më tani është bërë e ditur se tre terroristë janë qëlluar për vdekje nga policia e armatosur pas vrasjes së gjashtë personave dhe plagosjes së 30 të tjerëve gjatë sulmeve.
Burrat, të përshkruar si "me origjinë mesdhetare", bërtitën "kjo është për Allahun", pasi ata theren me thikë qytetarët të shtunën në mbrëmje në Londër.
Sulmuesit thyen një oficer policie në urë dhe më pas sulmuan me thika në bare dhe restorante. Një burrë thuhet se është therur pesë herë në gjoks.
Të dyshuarit meshkuj u qëlluan dhe u vranë nga policia e armatosur në Borough Market brenda tetë minutave nga thirrja e parë. Sulmuesit ishin të veshur me xhaketa vetëvrasëse, e cila doli të ishte një "mashtrim", tha policia.
Policia e armatosur nxitoi në skenën ku u dëgjuan të shtëna dhe autoritetet u bënin thirrje londinezëve të panikuar që të 'vrapojnë, fshehin, tregojnë' nëse ata u kapën në 'kaos absolut'.
Tragjedia vjen vetëm 12 ditë pas sulmit terrorist të Mançesterit dhe 10 javë pas mizorisë së Westminsterit./BS
