Një kritikues i njohur i qeverisë së Turqisë, i cili u arrestua në Spanjë, është liruar me kusht.
Shkrimtari gjerman-turk Dogan Akhanli ka shkruar gjerësisht për të drejtat e njeriut në Turqi.
Ai shumicën e kohës jeton në Gjermani, ku arrestimi i tij shihet si i motivuar politikisht dhe ambasada gjermane ka thënë se nuk duhet të dëbohet.
Akhanli po lirohet me kusht që ai të qëndrojë në Madrid, tha avokati i tij.
"Lufta ia vlejti” tha avokati Ilias Uyar në një postim në Facebook pas dëgjimit të vendimit. "Dogan Akhanli është i lirë”, shkroi ai.
Akhanli u arrestua të shtunën në qytetin e Granadës, ku thuhet se ishte në pushime.
Arrestimi u bë me një "njoftim të kuq" të Interpolit - një kërkesë për të arrestuar një individ të kërkuar për ekstradim. Kërkesa është bërë nga forcat policore kombëtare dhe nuk thuhet se personi kërkohet nga vetë Interpoli.