Ish-kryeministri japonez, Tsutomu Hata vdiq sot në moshën 82-vjeçare, njoftoi agjencia kryesore japoneze e lajmeve, Kyodo News duke cituar burime të paidentifikuara.
Hata, i cili shërbeu si kryeministër për vetëm 64 ditë në vitin 1994, ishte një nga kryeministrat e viteve ’90 i ndjekur nga një sërë skandalesh politike.
Në vitin 1993, ai u largua nga Partia Liberaldemokrate (LDP) në pushtet për të drejtuar një parti të re me disa deputetë të tjerë me influencë në LDP siç ishte , Ichiro Ozawa.
Hata, e cili udhëhoqi Partinë Demokrate të Rinovuar të Japonisë tashmë e shkrirë, drejtoi një qeveri koalicioni nga fundi i prillit deri në fund të qershorit të vitit 1994.
Hata u zgjodh për herë të parë si anëtar i Dhomës së Përfaqësuesve nga prefektura e Naganos në vitin 1969 dhe shërbeu si ministër i Bujqësisë, ministër i Financave dhe ministër i Jashtëm midis viteve 1988-1994.
Ai u tërhoq nga politika në vitin 2012.
