Mijëra protestues kanë marshuar sot në rrugët e Vjenës kundër koalicionit të ri qeveritar, ku partia e Kurz është në koalicion me partinë e ekstremit të djathtë, Partia e Lirisë.
Rreth 20 mijë persona raportohen të kenë marrë pjesë në protestë, ku kishte grupime të së majtës, pesionistë, si dhe studentë, të cilët mbanin në duar banderola ku shkruhej: “Mos lejoni qeverisjen e nazistëve”.
Policia austriake ka thënë se 1000 zyrtarë kanë qenë në detyrë gjatë organizimit, derisa ngjarjen e kanë përshkruar paqësore. Protestuesit kanë kërkuar bojkotimin e ministrave të FPO-së nga qeveritë tjera evropiane.
“FPO nuk është vetëm populiste, por edhe armike e demokracisë”, ka thënë presidenti i Lëvizjes Kundër Racizmit, Benjamin Abtan.
