I dyshuari afgan arrestohet për sulmin me thikë në Vjenë

Evropë

I dyshuari afgan arrestohet për sulmin me thikë në Vjenë

Më: 8 mars 2018 Në ora: 11:43
Ilustrim

Një afgan është arrestuar në lidhje me sulmin me thikë në Vjenë të Austrisë, në të cilin katër persona janë plagosur rëndë.

I dyshuari, 23 vjeç, është arrestuar menjëherë pasi ka therur një 20-vjeçar, po ashtu afgan, bëri të ditur zëdhënësi i policisë austriake, Patrick Maierhofer.

Ai tha se policia po heton nëse i dyshuari është përgjegjës edhe për therjen e një familjeje austriake, disa orë më parë, në qendër të Vjenës.

Të tre anëtarët e familjes, babai, nëna dhe vajza 17 vjeçe, ashtu si edhe viktima afgane janë në gjendje të rëndë në spital.

Emrat e tyre nuk janë bërë publikë.

Maierhofer tha se sulmi nuk duket se është i lidhur me terrorizmin, porse është herët të thuhet ndonjë gjë për motivin e sulmuesit.

commentFirst article
Sot mund të lexoni Shfletoni kopertinat