Kundërspiunazhi polak (ABW) njoftoi sot arrestimin e një shtetaseje ruse e dyshuar për ”praktika të tipit hibrid” kundër Polonisë dhe vendimin për dëbimin e saj drejt Rusisë.
Shprehja ”taktikat e luftës hibride” përshkruan ato që i mundësuan Rusisë aneksimin e Krimesë, duke kombinuar keqinformimin, kërcënimet ndaj infrastrukturës civile dhe ndërhyrjen e forcave speciale.
”Iekaterina C. ishte nxitëse e aktiviteteve që synonin të konsolidonin qarqet pro-ruse në Poloni dhe të ushqenin armiqësitë polako-ukrainase përmes aktiviteteve propagandistike”, deklaroi për median zëdhënësi i ABW Stanislaw Zaryn, pa dhënë detaje të mëtejshme.
”Gruaja, e cila jetonte në Poloni që prej vitit 2013, u arrestua sot dhe pritet të dëbohet së shpejti”, pohoi ai.