Kritiku i Putinit, Navalny, arrestohet pak minuta pas lirimit

Evropë

Kritiku i Putinit, Navalny, arrestohet pak minuta pas lirimit

Më: 24 shtator 2018 Në ora: 15:34
Moskë, 24 shtator 2018.

Udhëheqësi i opozitës ruse, Alexei Navalny, u arrestua sërish, vetëm pak minuta pasi përfundoi dënimin prej 30 ditësh burgim në Moskë, thanë kolegët e tij.

Navalny akuzohet për shkelje të ligjit të protestës dhe përballet me 20 ditë në burg ose gjobë.

Dënimi që Navalny sapo ka shërbyer, ka qenë për planifikimin e një proteste të paautorizuar antiqeveritare, në janar.

Navalny, 42 vjeç, prej kohësh është fytyra më e shquar e opozitës ruse ndaj presidentit Vladimir Putin.

Në javët e fundit, ai ka bërë thirrje për protesta mbarëkombëtare kundër planeve të qeverisë për të rritur moshën e pensionimit në Rusi - një reformë kjo e papëlqyeshme që ka rritur pakënaqësitë me autoritetet.

Navalny e ka cilësuar partinë e Putinit si vend të "mashtruesve dhe vjedhësve", e ka akuzuar sistemin e presidentit për, siç ka thënë, "thithjen e gjakut nga Rusia" dhe është zotuar për shkatërrimin e "shtetit feudal" që po ndërtohet.

Sot mund të lexoni Shfletoni kopertinat