Atmosfera e shkatërruar në bazë, ikën edhe Seehofer nga CSU-ja

Evropë

Atmosfera e shkatërruar në bazë, ikën edhe Seehofer nga CSU-ja

Më: 12 nëntor 2018 Në ora: 10:36
Horst seehofer, aleati i Angela Merkelit

Horst seehofer, aleati i Angela Merkelit që u shndërrua në njërën prej arsyeve kryesore të lëkundjes së pozitave të saj, i është nënshtruar edhe vet së fundi presionit brenda partisë.

Kreu i Unionit Kristian-Social do të dorëzojë vitin që vjen postin e drejtuesit të forcës politike, si dhe atë të ministrit të Brendshëm.

“Deutsche Welle” thotë se kjo ndodh si reagim ndaj atmosferës së keqe në bazën e partisë.

“Viti 2019 do të jetë viti i risive për CSU-në”, citohet të ketë thënë Horst Seehofer në këshillimet e zhvilluara në rrethet e ngushta drejtuese të partisë në Mynih, nga pjesëmarrësit.

Sipas të dhënave, në mbledhjen e partisë të zhvilluar të dielën në mbrëmje, gati të gjithë kryetarët e rretheve kanë marrë fjalën dhe kanë informuar për atmosferën e shkatërruar në bazë.

Një nga pjesëtarët e takimit tregoi se “kjo ishte shumë e qartë”. Seehofer, sipas gjigantit mediatik gjerman, duket se nuk ka qenë i përgatitur që fjalimet të kishin një forcë të tillë.

Partia e vet e bën atë përgjegjës për humbjet masive në zgjedhjet e tetorit në landin e Bavarisë. Po ashtu, nuk kaloi në heshtje ngërçi me partinë simotër, CDU-në. Seehoferit i është ngarkuar faji i grindjeve të ashpra me të dhe kryetaren e saj Merkel.

Nuk është e qartë kush do ta marrë postin e ministrit të Brendshëm nga Seehofer. Duke pasur parasysh këtë, kryetarja e fraksionit të “Të gjelbërve”, Katrin Göring-Eckardt kërkoi që ai të largohet menjëherë.

commentFirst article
Sot mund të lexoni Shfletoni kopertinat