Një grua ka humbur jetën aksidentalisht gjatë protestave kundër taksës në çmimin e naftës në Francë, që e vendosi presidenti Emmanuel Macron.
Teksa protestuesit kishin bllokuar rrugën në juglindje të Savoie, një ngasëse e automjetit, nga panika që është rrethuar me protestues, ka shkelur aksidentalisht një grua duke e lënë të vdekur, ka raportuar ministri i Brendshëm francez Christophe Castaner.
Një qytetar ka shpërndarë në Twitter pamje të protestuesve me motoçikleta
#17 novembre #giletsjaunes Rond-point de Family village pic.twitter.com/hhjqFICO8g
— Stéphane Lefevre (@stephlefevre87) November 17, 2018
Mijëra protestues të veshur me jelekët e verdhë, bllokuan autostratat, rrethrrotullimet dhe shumë rrugë, gjatë protestës kundër vendimit të presidentit Macron.
Protesta u organizua përmes rrjeteve sociale dhe mori përkrahje edhe nga votuesit që u dëshpëruan me reformat ekonomike dhe qeverisjen e Macronit.
Gjashtëmbëdhjetë persona pësuan lëndime të lehta dhe nga autoritetet u raportua se 50,000 persona ishin pjesë e protestës.