Sebastian Vettel ka thënë se kanë kuptuar gabimet që i bënë dhe sipas tij do të punojnë që të evitohen ato. Në Abu Dhabi këtë fundjavë do të mbyllet Botërori i Formula 1 për vitin 2017. Vettel i ka bërë një bilanc sezonit të Ferrarit: “Jemi përmirësuar ndjeshëm krahasuar me një vit më parë, në shumë pikëpamje, por jo në momentin deciziv”. Katër herë kampion Bote në Formula 1, gjithsesi ka besim se vitin e ardhshëm Ferrari mund të bëjë hapin e madh: “Kemi kuptuar gabimet tona por tashmë do të punojmë shumë në dimër, do të nisim gjithçka nga zero”.