Bosi i Liverpool, Jurgen Klopp e ka veçuar Chelsean si skuadrën favorite për të fituar titullin e Premier Leagës për shkak të thellësisë "së pabesueshme" të skuadrës së Frank Lampard.
“Blutë” tashmë renditen në krye të tabelës për herë të parë që nga Shtatori 2018 në sajë të fitores të së shtunës me rikthim 3-1 ndaj Leeds United.
Ata kanë fituar katër nga pesë ndeshjet e tyre të fundit në udhëtim dhe janë të pamposhtur prej nëntë ndeshjeve, pasi kanë kryesuar gjithashtu grupin e tyre të Champions League, përcjell KosovaPress.
Dhe me morinë e nënshkrimeve të reja të Chelseat që u përshtatën shpejt, Klopp beson se skuadra perëndimore e Londrës është tani skuadra që do të përfundojë më lartë se Liverpooli.
"Unë nuk e ndiej për momentin që ndjekim ndokënd ose dikush na ndjek," tha Klopp përpara ndeshjes të së dielës në shtëpi ndaj Ëolves.
"Nëse shikoj ndeshje futbolli, shoh Tottenhamin që po duket se po bën mjaft mirë, që Chelsea për mua në këtë moment duket si favoriti - skuadra më e madhe, lojtarë të mëdhenj.”
"Tani ata janë plot dhe kanë mundësi të pabesueshme për të ndryshuar midis lojërave dhe nga një ndeshje në tjetrën. Kjo është e gjitha. Ju e shikoni por ne nuk i ndjekim ata.”, tha Klopp.
