Trajneri i AC Milan, Stefano Pioli, është shprehur i kënaqur me fitoren e ekipit të tij ndaj Torinos.
Strategu italian ka deklaruar se ka pritur një ndeshje të tillë, një përgjigje të fortë nga grupi, por se “Rossonerët” nuk e shikojnë renditjen tabelare, ata janë të fokusuar në ndeshje.
“Prisja një ndeshje të tillë, sepse jemi të rinj e të fortë dhe jemi të vetëdijshëm për situatën në të cilën ndodhemi”, tha ai.
“Në pjesën e parë kishim paraqitje të nivelit të lartë, pastaj në pjesën e dytë vuajtëm pak, por është normale. Leao më ka pëlqyer shumë, gjithnjë i koncentruar në ndeshje. Duhet të përmirësohet, por është i ri, jam vërtet i kënaqur me të”, tha italiani.
Pioli foli edhe për rikthimin e Zlatan Ibrahimovic, i cili luajti 10 minutat e fundit të ndeshjes.
“Për Ibran, kishim një program të veçantë, dje ka bërë kontrollat e fundit dhe vendosëm ta fusnim në lojë minutat e fundit. E rëndësishme është se problemi muskulor mbetet e kaluar, duhemi të gjith ta ndihmojmë atë, por ai është shumë i fortë”, perfundoi Stefano Pioli.