Federiko Kieza pritet që edhe sot në Vilnius të Lituanisë të udhëheqë sulmin italian, së bashku me Imobilen dhe shokun e tij juventin, Bernardeski, në rrotacionin e radhës që pritet të bëjë trajneri Roberto Mançini.
23-vjeçari i kërkon skuadrës, por edhe vetes një sforco të fundit në këtë transfertë:
“Në stërvitjen që bëmë, fusha ishte në kushte shumë të frikshme. Prandaj, në këtë takim duhet më shumë sesa kujdes nga ana jonë.
Fakti që fusha përveçse sintetike kishte edhe disa pjesë të dëmtuara mund të na vështirësojë lojën tonë me topin në tokë, ndaj kjo sfidë është për t’u marrë seriozisht që në fillim dhe duhet të provojmë që ta mbyllim sa më shpejt, nëse na jepet rasti”.
