Struga Trim & Lum sezonin e ri e nis me fanella të reja!
Struga Trim Lum sezonin e ri garues 2021/2022 në Ligën e Parë Futbollistike do ta nis me fanella të reja, njofton “infOSport.mk”.
Është një stil shumë i thjeshtë, në të cilin dominon ngjyra e kuqe, me disa detaje të bardha, me krahët laraman “bardhekuq”, si dhe me emrin e sponsorit kryesor “Trim Lum” në pjesën e përparme të fanellës.
Me këto fanella të bukura, Struga Trim Lum do ti zhvillojë ndeshjet si vendas, ndërsa ditëve në vijim nga kjo skuadër do të prezantojnë edhe fanellën e dytë dhe të tretë, me të cilat do ti zhvillojnë ndeshjet në transfertë.
