Mesfushori kosovar, Bujar Shabani, do ta vazhdojë karrierën në futbollin e Kosovës, edhe pse në qershor u transferua nga FC Drita te FC Shkupi në Maqedoninë e Veriut.
Shabani do të huazohet te Dukagjini i Klinës, ekip i rikthyer në këtë edicion në Superligë.
Shabani ka një karrierë të mirë në Superligën e Kosovës dhe Shqipërisë, ku ka luajtur dhe me ekipet si FC Ferizaj, KF Feronikeli dhe në Shqipëri ishte pjesë e KF Skënderbeu.
Dukagjini drejtohet nga trajneri Armend Dallku, i cili e ka bërë një skuadër të fuqishme për elitë.
Zyrtarizimi i marrëveshjes pritet të bëhet në ditët në vijim.
Jozef Kuqi – NK Opatija, Arbër Shala – KF Ballkani, Ahmed Januzi – FC Llapi, Ermal Vitija – FC Prishtina, Moriba Tokpa Lamah – KF Trepça’ 89, Odi Chibueze – KF Vellaznimi
Dhe Argjend Bardhi – KF Feronikeli janë lojtarët e transferuar te Dukagjini në këtë afat kalimtar.
