Lajm i mirë nga kampi stërvitor i Barcelonës në prag të javës së dytë të kampionatit.
Portieri gjerman, Marc-Andre ter Stegen, ka nisur stërvitjen me skuadrën disa muaj pas ndërhyrjes kirurgjikale në gjurin e tij të djathtë, për shkak të dëmtimit të tendinës.
Pikërisht problemi fizik në fund të sezonit të kaluar e pengoi të grumbullohej nga Joakim Loë për finalet e “Euro 2020”. “Gardiani” i Barçës po respekton afatet që ishin vendosur për shërimin e tij të plotë.
Në ditët në vijim, futbollisti do të rrisë ritmin në stërvitje për të qenë plotësisht në dispozicion të Koeman.
Holandezi mund ta aktivizojë titullar në ndeshjen e fundjavës së ardhshme kundër Getafes ose do t’i japë pak më shumë kohë për ta rikuperuar për ta hedhur në fushën pas pauzës së kampionatit si pasojë e ndeshjeve eliminatore të Botërorit.
