Napoli dhe Lorenzo Insigne kanë rifilluar bisedimet në lidhje me rinovimin e kontratës.
Edhe pse nga Italia flitet për një marrëveshje të mundshme, asgjë nuk është më larg realitetit.
Sipas TodoFichajes, futbollisti ndjen tërheqje nga Atletico Madridit i cili tashmë i ka paraqitur një ofertë të rëndësishme dhe synon të nënshkruaj me të me kosto zero verën e ardhshme.
Skuadra e Spallettit drejton Serinë A me Insignen në super formë. Ai ka luajtur të gjitha ndeshjet dhe ka shënuar 2 gola e ka dhuruar 3 asistime.
Napoli do bëjë të pamundurën për ta mbajtur lojtarin e tyre i cili është në rrugën e tij për t’u bërë legjendë. Por në moshën 30 vjeçare nëse atij i ofrohet ajo që kërkon mund të provojë fatin e tij në Metropolitano me një projekt shumë ambicioz nga Atletico.
