Futbollisti i Kombëtares së Kosovës ka shënuar një super gol. Florent Muslija ka arritur të shpëtojë skuadrën e tij nga disfata kundër DusseldorFit në Bundesligën 2.
Muslija u inkuadrua në lojë në min e 82′ kur Hannoveri ishte duke pësuar me rezultat 1:0.
Por, futbollisti nga Kosova me një gol mjeshtëror të realizuar në min 90+2′ arriti që t’i jap një pikë të vlefshme ekipit të tij.
Ishte ky goli i parë i Muslijës i realizuar këtë edicion në Bundesligën 2.
Me këtë barazim tani Hannoveri ka 13 pikë në pozitën e 15-të në Gjermani, ndërsa Dusseldorfi zë vendin e 12-të me 16 pikë.
